تزداد معاناة المواطنين يومًا بعد يوم، بداية من أزمة تعويم الجنيه وارتفاع الأسعار وهروب الاستثمارات إلى انقطاع الكهرباء بصورة لم تشهدها البلاد طيلة السنوات الـ8 الماضية.

وتتجاوز ساعات فصل التيار في بعض المناطق والقرى أكثر من 6 ساعات متواصلة، وتعددت شكاوى المواطنين خاصة في محافظات الصعيد والدلتا وأجزاء من محافظات القاهرة الكبرى، من الانقطاع المتكرر للتيار الكهربائي الذي يتزامن مع موجة شديدة الحرارة تتعرض لها البلاد، إذ تجاوزت درجات الحرارة حاجز الـ40 في القاهرة، واقتربت من 50 في جنوب الصعيد.

فائض 10 آلاف ميجاواط

بالتزامن مع الموجة الحارة، سجّل الطلب على الكهرباء في مصر أعلى مستوى له تاريخيًا الاثنين الماضي؛ إذ وصلت ذروة الأحمال على الشبكة الوطنية إلى 34.6 ألف ميجاواط.

وعلى الرغم من زيادة الطلب، فإن الإنتاج سجّل فائضًا بنحو 10 آلاف ميجاواط، لكنه لم يترجم إلى استقرار في العديد من المناطق، من بينها مدينة العبور التي شهدت انقطاعًا تامًا للكهرباء لعدّة ساعات أول أمس، بعد توقّف محطتي محولات جهد 220 كيلو فولت عن العمل لمدة 3 ساعات، وفقًا لموقع "الطاقة".

إنجازات قائد الانقلاب

وغردت ورق تشرين "سيارات لرش الماء وتلطيف الهواء في موسكو عندما وصلت الحرارة 30، عندنا في مصر وصلت الحرارة 45 قطعوا علينا الكهرباء.. إنجازات دي ولا مش إنجازات يا متعلمين يا بتوع المدارس".

وقال مواطن – متهكمًا – "لما تكون بتعمل مشاريع بدون هدف وتاخد قروض وتداين وتستلف من طوب الأرض ويكون معاك كل المقومات وكل مؤسسات الدولة من جيش وشرطة وإعلام وقضاء ومعيز وحكام خليج خونة زيك إلخ... وتكون متصالح مع نفسك".

وكتبت الصحافية رشا عزب: "إهداء من الحكومة المصرية للشعب البائس، في الأسبوع الأكثر حرارة ف الكوكب!، كل حاجة وقعتوا بسببها مرسي بتعملوها بنسخة أوسخ، بس الفرق إنكم خلصتوا ع الناس قبل الدبح، عشان يتحول المجتمع كله غنيمة سهلة لكل فشل بتعملوه، وماحدش يحاسبكم".

وقالت داليا رأفت: "مع أول موجة حر في الصيف الكهرباء أم فائض وهنصدر منها، بتقطع بالساعات. كفاية إنجازات بقى".

وعلق أحمد سلطان: "في مصر رجعونا تاني للعصور القديمة، بقطع الكهرباء كل يوم أكتر من 4 مرات، وكل مرة تقطع ساعتين! الأجهزة الكهربائية باظت واشغالنا اتعطلت ومنظرنا زفت في الشغل. أكلم العملاء أقولهم الكهرباء بتقطع عندي كتير، ومش عارف أشرح ولا أسجل؟! يا رب خرجنا منها ع خير عشان كده كتير".

خراب بيوت

وأضاف وائل: "الناس بتمشي من الكافيهات بسبب قطع الكهرباء، واللي داخل لسه مش عارف يطلب مشروب فبيمشي هو كمان. الكلام ده في المهندسين بالكامل! خراب بيوت".

وغرد أحمد منصور: "بدل ما تروح تشترى نجفه وزنها 50 طن من جيب الشعب الجعان عشان تدخل بيها موسوعة جينس، كنت وفر فلوسها ومتقطعش الكهربا على الشعب اللي قرف منك ومن سوء إدارتك وفشلك إللي ملوش آخر".

وقال محمد عطية وكأنه يدير حوارًا بينه وبين حماه: "وانت بقي عندك شقة ؟!!!

طبعاً يا عمي.. وفيها كهربا من باقة انتو نور عنينا، وغاز من الصهاينة، ودلوقتي أنا في انتظار موافقة سفارة أثيوبيا عشان أركب عداد الميه"!

وعلقت هدى الجرشاوي: "عمرك شفت أو سمعت إن دولة بتعذب شعبها من أجل رفاهية شعوب أخرى.. الأولوية ليست الشعب بل أن يرضى عنهم أسيادهم ومشفتش شعب راضي بالدناءة دي غيرنا، أنت الآن مع نظام هتموت هتموت.. لو مموتش من المرض والجوع هتموت من الحر"!.