أثار تعديل الصحف المحلية ومنصات فضائيات الشؤون المعنوية المنحازة للانقلاب الذي وعد فيه من يدرس البرمجة ب100 ألف دولار شهريا وقال في منتدى الحوسبة بالعين السخنة: "لما تدخلوا ولادكم حقوق وأداب وتجارة هيطلعوا يشتغلوا أيه؟".

وأضاف السيسى: "فيه وظائف تكنولوجية بتعمل 100 ألف دولار فى الشهر".

الصحفي سليم عزوز @selimazouz1 لمح التعديلات وكتب "اليوم السابع تحذف خبر 100 ألف دولار في الشهر، وتعدله الى 100 ألف دولار في السنة، والمصري اليوم تصوبه الى في السنة، والقاهرة 24 لا تزال الى الآن تنشره 100 ألف دولار في الشهر..".

وعلق "عزوز"، " لقد أحرجت إعلامك ورجالك يا شيخ!".

وأبدى الإعلامي أسامة جاويش من الأرقام التي أعلنها السيسي وعبر @osgaweesh تساءل "أفكار مدهشة قالها السيسي في مركز البيانات واحتفاله بالحوسبة المركزية الحكومية .. مبرمج مين بياخد 100 ألف دولار في الشهر؟ .. مسؤولية مين تحديد احتياجات سوق العمل؟.. مؤشر مصر في جودة التعليم وسرعة الانترنت؟ .. ليه عندنا عجز في المعلمين والأطباء؟ ..".

وساق عبر (اكس) قصة قصيرة حزينة وسرد "شاب سمع كلام سيء الذكر #السيسي وقرر يتعلم برمجة ويشتغل من البيت وياخد 100 الف دولار في الشهر.. أول يوم الكهرباء بتقطع تخفيف أحمال .. تاني يوم الانترنت بيفصل عشان مش محدود.. آخر الشهر مفيش مرتب عشان البلد مفيهاش دولارات.. ابنك مجنون يا حج .. خلصت الحكاية".

https://twitter.com/osgaweesh/status/1784553527307612424

 

وعلق الدكتور مصطفى جاويش، وكيل وزارة الصحة الأسبق عبر @drmgaweesh مستعرضا "مقاربات بائسة" بين وعود السيسي وواقع الأطباء وكتب، ".. فى حين وعد #السيسى  المصريين بشغل أجره 100 ألف دولار شهريا ؛ وأمرهم بسماع كلامه، فإن #نقابة_الأطباء تبشر الدكاترة الغلابة بفرصة منح الطبيب قرضا حسنا بدون فوائد بنكية ربوية قدره 100 ألف جنيه مصرى لمرة واحدة فقط ،ولعدد محدود من الدكاترة ،".

وساخرا كتب أحمد بحيري @AhmedBehiry عن كيفية الوصول لدخل 100 ألف دولار في الشهر؟ ..".

وقال في منشور نقله عنه حساب ثورة شعب "البوست ده هقولك على أولى الخطوات اللي تخليك تعمل 100 ألف دولار كل شهر ولو حققت أول خطوات هكتبها هنكمل السلسلة دي مع بعض

 1- يكون عندك كهرباء مش بتقطع عشان تعرف تشتغل 

2- يكون عندك نت سريع وشغال باستمرار من غير مشاكل ومش بيفصل مع الكهرباء

 3- يكون عندك بطاقات بنكية تقدر تدفع بها المصروفات اللي محتاجها شغلك بالدولار 

4- يكون عندك حسابات بنكية دولارية تقدر تستقبل عليها فلوسك من الشغل اللي هتعمله بإذن الله  

5- يكون عندك ثقة أن الفلوس دي لو وصلت لحساباتك تكون قادر تصرف منها أو تسحبها أو تودعها بسهولة ومن غير تدخل السجن .. 

لو حققت أول 5 خطوات هنشرح بعد كده إزاي تبدأ رحلة الـ 100 ألف دولار في مصر 
 

https://twitter.com/ThawretShaaab/status/1784901079668334840

ومن عربات الخضار إلى برمجة ب100 ألف دولار كتب أحمد البقري @AhmedElbaqry، "#السيسي في 2014 سأقضى على البطالة في #مصر بـ الف عربية خضار للشباب، اليوم يعلن فرص للشباب بـ 100 الف دولار في الشهر😆.. عبقري وكدا😆👇".

وتعجب المستشار وليد شرابي @waleedsharaby من أن يكون "الحد الأنى للاجور في مصر ٦ آلاف جنيها، والحد الأقصى للأجور هو ٢١٠ ألف جنيها.. تقريبا ٤٢٠٠ $.. أن يتقاضى موظف مصىي ١٠٠ ألف دولار أي ما يقرب من ٥ ملايين جنيه شهريا هو أمر مخالف للقانون.. لكن الفضيحة هي أن الذي إدعى إمكانية ذلك هو الذي حدد بقراراته الحد الادنى والحد الأقصى للأجور في مصر .".

http://https://twitter.com/waleedsharaby/status/1784909179901055097

وكتب حساب صاحب السعادة @Happiness_owner، "كلية حقوق إيه و كلية تجارة إيه و كلية أداب إيه ..!.. روح يا بغل إفتحلك صفحة ع التيك توك.. هتكسبلك 100 ألف دولار و إنت قاعد ف البيت 🤫".
 

https://twitter.com/Happiness_owner/status/1784635133212926296