ننشر شهادة أحد جماهير الزمالك الذي حضر أحداث قتل جماهير الزمالك على يد قوات السيسي - كتب نور الدين مصطفي - عبر فيسبوك 

 
اقسم بالله اقسم بالله اقسم بالله هو دة اللي حصل
وصلنا الساعة 4 بالدقيقة يعني قبل الماتش بـ 3 ساعات و نص
البوابة الرئيسية علي الشارع مقفولة و محدش بيدخل منها
لفينا في ملف كبير لحد ما نزلنا حاجة بالظبط زي نفق تحت الارض " قفص"
عدد حوالي 10 الاف واقفين في ممر عرضة 6 متر بالظبط
الداخلية بتدخل الناس " فرد فرد "
اقسم بالله اقسم بالله ما فية اي تجاوزات من الجمهور .. و عمالين ندادي و نسايس
يا جدعان عدونا .. يا جدعان افتحوا البوابة
الناس عمالة تكتر ورانا و العدد بيدخل ببطء غريب .. و كل شوية الداخلية ترجع لورا 5 متر و كل ما نقول قربنا نلاقيهم بعدوا تاني!!
وصلنا لدرجة ان الناس بقت بتدوس علي بعضها حرفياً !!!!!!
الداخلية كل ما حد يقرب منهم من كتر التدافع كانوا بيضربوة من غير تفكير!!
كان معايا 12 فرد .. فجأة لقيت 2 منهم بس جنبي
اقسم بالله قنابل الغاز كانت بتنزل علي دماغ الناس من كتر الزحمة!!
حالات الاختناق كانت ملهاش عدد .. و اللي كان بيقع في الارض مكنش بيقوم تاني!
- راجل شايل عيلة صغيرة بتطلع ريم من بوقها و بيقول بنتي ماتت
كل ما ابص حواليا الاقي حد بيقولي والنبي الحقني و النبي الحقني
بقيت واقف مش عارف اعمل اية .. بحاول اشيل الناس و نطلعهم برة القفص بس العدد كبير و السور عالي
فجأة قنبلة غاز نزلت جنبي .. محستش بأي حاجة غير و الدنيا بتضلم ..
فُُقت علي صريخ صحابي بيرفعوني ع السور و بيقولولي اطلع هتموت اطلع هتموت اطلع هتموووووت
علي ما طلعت فوق و عديت الطريق بدأت ادور علي صحابي .. اللي في مستشفي و اللي بيموت
دخلنا في مكان بعيد خاااالص عن الاستاد و قاعدين بنشوف المصابين
و فجاة نلاقي عساكر جيش من كل ناحية نازلين بيضربوا فينا
و مدرعات خارجة في وسط الشارع قدام الاستاد بتضرب غاز عشوائي
شوية و ظهر مرتضي و ابنة .. و كل اللي طبلّهم و عرصلهم دخل الاستاد معاهم في الزيطة.
روحنا مستشفي البنك الاهلي بندور علي صحابنا وسط الجثث
روحنا مشرحة زينهم ..
لقينا اللي مات، ولقينا اللي عايش، بس الكل مكسور، الكل مات جواة حاجة
البلد دي كافرة اوي .. احنا ربنا نجانا النهاردة .. بس احنا موتنا!