كان احد اصدقائى الطالب بكلية الطب رايح يكشف عند دكتور طارق فى العيادة واللى معروف عند الناس كلها ان الكشف مجانى لطلاب الكلية او اى طبيب او حتى والده او والدته
وطبعآ كالعادة العيادة مليانة على اخرها
العيادة بتفتح 3 الضهر وبتقفل 3 الفجر وطول المدة دى الناس فوق بعضها
زميلى وصل العيادة س 9 مساء وبعدها سكرتير العيادة وقف استقبال الناس لان العدد اللى منتظر الدكتور فزميلى كان اخر واحد خالص
دخل العيادة الساعة 2.30 صباحآ خلص كشف فى 10 دقائق المفروض يخرج يروح بقى والمفروض د. طارق منهك وتعبان ويروح بيته
زميلى بيحكيلى
اول ما خلص كشف دكتور طارق قاله
بقالك قد ايه مصلتش قيام ليل ؟؟
زميلى قاله بقالى كتير
راح دكتور طارق قاله متوضى ؟
زميلى : لا
طب خش اتوضى وتعالى نصلى ركعتين سوا
اتوضى وصلوا قيام ليل مع بعض
وزميلى كان فرحان ومبسوط جدآ
بعد الصلاه دكتور طارق سأله انت ساكن فين قاله فى الحته الفلانية قاله خلاص هوصلك بعربيتى
وبالفعل الدكتور وصله لحد باب البيت وبعدين رجع بيته
طبيت حيآ وميتآ واتعبت من بعدك يا حبيب القلب