كتب " أحمد الشواق " - عبر حسابه على فيسبوك :
شركة ( لينك موبينيل جروب ) اتعسفت معايا في الشغل وعايزني اقدم استقالتي بسبب انتماء والدي السياسي وعشان القضية الي كنت محبوس على ذمتها سياسية ..
روحت الشغل بعد خروجي من الأعتقال لقيتهم عاملين معايا تحقيق وبيسألوا مديريني عن شغلي وسلوكي .. طبعا المديرين شكروا فيا وفي آداءي واني مبدخلش السياسة في الشغل ومن ضمن احسن الناس اللي اشتغلت معاهم
بعديها قعدوا معايا ساعتين تحقيق بيسألوا عن انتماء والدي لأخوان او لأ وعن انتماءاتي الفكرية والسياسية وبيحققوا في قضيتي بشكل مستفز جدا ! رغم ان التحقيق مش قانوني وملهوش حق يسألني عن والدي ولا عن انتماءاتي ولا عن القضية كمان ..
خلص التحقيق وقالوا هنرد عليك بعد يومين .. لقيتهم بيكلموني عشان اروح امضي على استقالتي ! مع العلم ان قضيتي اتحفظت يعني كأنها لم تكن ومعليش اي حاجة ! .. هيا دي الفاشية والعنصرية الجديده حتى في الشركات الخاصة ؟!!
