انطلقت موجة من التعليقات الغاضبة على مواقع التواصل الاجتماعي عقب تصريحات قائد الانقلاب العسكري عبد الفتاح السيسي بأن هناك "نصوصا وأفكارا مقدسة دينية تعادي الدنيا كلها ".
فقد قال الكاتب أنس حسن "عارف يعني إيه السيسي ينتقد نصوص مقدسة، ويقول إنها تعادي الدنيا؟ يعني إنه تجاوز الحياء العلماني اللي كان بيتكلم عن إشكالية تفسير النص المقدس.. لا ده.. دلوقت بينتقد النص ذاته.. النص ده اللي هو (قرآن وسنة) مفيش في الدين حاجة يطلق عليها نص مقدس غيرهم.. تعرف يعني إيه ردة؟"
من جهته، علق عضو جبهة الضمير عَمْرُو عبد الهادي عبر تويتر قائلا: "بما إن السيسي عايز يعمل ثورة على الدين يروح يطلع أبو لهب و أبرهة من قبورهم و يطلع الطلعة دي".
ودون السياسي أحمد غانم قائلا: "أبو جهل يدعو لثورة فكرية! طيب مش تعرف تقرا عربي الأول قبل ما تدعو لثورة فكرية-دينية...إحنا محتاجين لثورة فعلا ولكن ثورة محو أمية عشان مفيش جاهل زيك يتعين وزير دفاع ويبلطج ويسجن ويقتل أساتذة الجامعة ويعمل نفسه ريس ومصلح للفكر الإسلامي وهو أساسا جاهل مابيعرفش يقرا آية واحدة صح!"
بينما قال الناشط أحمد زكي: "السيسي للطيب: تجديد الخطاب الديني مسؤوليتكم وسأحاججكم به أمام الله.. السادات في خطاب شهير قال: بتشتكيني لربنا يا تلمساني؟.. اسحب شكوتك يا تلمساني".
وغردت نعمة محمد: "سيدنا أبو بكر رضي الله عنه أرسل الجيوش لمحاربه مسلمين رفضوا دفع الزكاة بحجة أن الرسول صلى الله عليه وسلم مات، أومال لو كان سمع السيسي ؟!"
وتساءل محمود شبايك: "السيسي طلب من المثقفين إنهم يعلموا الناس الدين الإسلامي الوسطي، واليوم طلب من مشايخ الأزهر ثورة على النصوص والأفكار القديمة، هو عايز إيه بالضبط؟".
بينما غردت حلا إبراهيم: "نصوص مقدسة تعادي الدنيا كلها"!!! اللهم صاعقة لا تبقي ولا تذر اللهم ابدأ بالعلماء ومن توشح بالدين ولم يتمعر وجهه لهذه الكفريات.
وقال أحمد البطل: "هناك نصوص دينية مقدسة تعادي الدنيا كلها محتاجين ثورة دينية.. يا ريت بقى تقوللنا السور والآيات اللي عايز تحذفها".
وعلق محمد المسلمي: "السيسي وهو بيحذر الشعب يقول لهم هذه الأمة تمزق وتدمر ونحن من نمزقها وندمرها.. المهم وهو بيقول كده كان بيشاور على نفسه، صدق وهو الكذوب".
وكان قائد الانقلاب عبد الفتاح السيسي قد صرح أن "هناك نصوصا وأفكارا دينية قدست عبر مئات السنين لدرجة تعادي الدنيا كلها.. 1.6مليار هيقتلوا 7 مليار عشان يعيشوا هما" طبقا لقوله.
وقال السيسي في كلمته التي ألقاها في احتفال المولد النبوي الخميس: "نحن نحتاج ثورة دينية.. اللي أنا بتكلم فيه دلوقتي وأنت جواه مش هتقدر تكون حاسس بيه لازم تخرج منه وتتفرج عليه بفكر مستنير".
وأضاف: "لا يمكن أن يكون هذا الفكر الديني المقدس المتضمن نصوصا وأفكارا تم تقديسها من مئات السنين، أصبح الخروج عليها صعبا، لدرجة أنها تعادي الدنيا كلها"، مضيفا: "إننا بحاجة لوجود ثورة دينية" على حد قوله.
طالع ايضا:
السيسي يهاجم الإسلام والمسلمين في العالم.. ويطالب بتغيير النصوص الدينية المقدسة
