دشن نشطاء علي مواقع التواصل الاجتماعي هشتاج الكتروني تحت عنوان "مفيش شغل " للدعوة لاضراب جزئي عن العمل في 30 أغسطس الجاري احتجاجا علي غياب القصاص والعدل وانتشار الظلم وقرارات الإفقار ، مؤكدين أن فكرة الاضراب مناسبة للضغط علي الانقلاب العسكري علي المستوي البعيد ،خاصة و أن الاضراب واحد من أهم أسلحة الضعفاء في مواجهة الظلم.

وقال النشطاء في بيان يتدواله النشطاء تحت عنوان " شارك في الإضراب علشان يشوفوك" :علي فكرة الإضراب مش غلاسه وخلاص ، لأ ده واحد من أهم أسلحة الضعفاء في مواجهة الظلم  ، لما يكون في كام ميت ألف واحد شافطين البلد في كرشهم وسايبينا ناكل في بعض يبقي لازم يشوفونا لازم يحسوا إننا لسه موجودين مش نمل مالوش لازمه هم فعلا شايفينك نمله وشايفين ولادك نمل صغير .. علشان ما تحاولش ترفع راسك تاني وتخليك ديما جعان وتخلي ولادك يعيشوا في هم ويموتوا نمل ".

وأضافوا في البيان : "لما الغلا والجوع والفقر والمرض وقطع الكهربا والميا بيهد فينا .. وهم مش شايفيين الا نفسهم وقصورهم وشلتهم في القضا والجيش والشرطة ... رغم أننا الأصل .. إحنا اللي بنصحي من الفجر نتوكل بجيوب فاضية علي باب الله ونرجع مهدودين مش قادرين نقف علي رجلينا من الهم والتعب".

ودعا البيان الجماهير الي الاضراب عن العمل :"  لما الكام ميت ألف اللي عندهم المصانع والمزارع والوظايف الكبيره .. عايشيين في بحر من الفلوس والراحراحة .. واحنا مكتوب علينا القرف .. يبقي لازم يسمعونا ويشوفونا .. حاول تخليهم يشوفونا ومش هيشوفونا إلا لما نوجعهم .. الكل لازم يحس انه بني ادم مش نمله .. ويأخد حقه المسروق .. 30 أغسطس .. اضراب عن العمل .. مفيش شغل".