الناشط - أحمد بحيري :
الجزء الثاني من برنامج أو مسلسل “خطوات الشيطان” لمعز مسعود السنة دي كان بيدور حول قضية مهمة جدا.. الا و هي قضية “التعارف” بين أطياف المجتمع الفكرية المختلفة.. الأزمة اللي عايشينها النهاردة بالفعل في المجتمع المصري.. و الفجوة اللي ظهرت و اتسعت بين الإسلاميين عموما.. و عموم الشعب.
و لكن للأسف.. المسلسل تحس كأنه الجزء الثاني من مسلسل “الجماعة” اللي عمله وحيد حامد من كم سنة لتشويه جماعة الإخوان.. مع الفارق.. ان اللي بيقدمه معز مسعود.. هو عمل دعوي.. بوجهة نظر أمنجية.. فكانت النتيجة ان البرنامج.. أو المسلسل.. -مش عارف اسميه ايه الحقيقة.. نسميه شمبرلاح.- اللي المفروض انه بيقول “لتعارفوا”.. كان بيقول ضمنيا “لتباغضوا”.
