نافذة مصر - متابعات
كتب الناشط " ايهاب حسن " في تدوينة - عبر فيسبوك :
انت فاكر لما تيجى تشتم فى السيسى بعد غلاء الاسعار انا هفرح بيك !!
انا هطير من السعاده مثلا !!
انا ريقى نشف وانا بفهمك ان السيسى ده ظالم
انا دم اخويا سال فى الشوارع قدام عنيك وكنت بستغيث بيك .. وانت بتغنى تسلم الايادى
انا كنت بتحايل عليك انك تشوف الحقيقه ولو مره .. وهى واضحه قدام عنيك
انا حتى حذرتك وقولتلك "بكره السيسى يجى عليك"
وانت ولا هنا .. ولا فى دماغك
قولتلك عرضى بيُنتهك .. اخواتى بيموتو بدون ذنب .. ابويا فى المعتقل .. اخويا مستقبله ضاع !!
وانت كنت قاعد بتضحك وبتشمت ..
انا مش هقولك مرحب واهلا .. انت الميدان مفتوح قدامك .. ثور علشان بطنك .. ثور علشان قرشك
انت مظلوم .. لكن انت اللى ظلمت نفسك .. افتريت على اللى منك .. ونصبت اللى طول عمره رَكبك فوق كتفك
انت مركوب وانت راضى .. عايز تثور دلوقتى ثور .. مش عايز فإنت كده كده واخد على الركوب عادى
بس انا ميدانى كله دم وحق شهدا .. حريه .. عداله ..ورفض ظلم من الاساس
انا بنزولى كنت بحترمك من البدايه .. بطالب بحقوقك وبحق كل البلد وكان بيموت علشانها اطهر الشباب ..
فى الوقت اللى انت كنت بترقص فيه .. للى ركبك
انزل .. بس متطلبش منى احترام او اهلا او مرحب او بالاحضان !!
