تصريحات واقوال:

عائشة الشاطر:

وانت قاعد تسمع عن التعذيب والاعتداء علي المعتقلين في سجن  وادي النطرون وقبله سجن شبين الكوم وقبله العزولي وغيره وغيره وتقرأ الخبر عادي في وسط الأخبار ركز شويه وتخيل
 تخيل كده شعور الام والأب والزوجة والابنة اللي ابنها اواخوها اوأبوها هناك عامل ازاي
تخيل كده وهما بيسمعوا الأخبار دي زيك في التلفزيون ايه شعورهم
 تخيل شعورهم وهما بالنفسيه دي ومش طايلين لا سما ولا ارض علشان يطمنوا علي ولادهم وساعات الرعب اللي عايشنها دلوقتي وكمان يسمعوا خبر وفاة الشاب محمد عبد الله إسماعيل سلام في مستشفي السجن من شوية صغيرين هناك لسوء الرعاية الصحية
 عيش كده الإحساس انه أبوك اواخوك اوابنك وجرب تشوف الإحساس قد ايه بيكون صعب
لومش في إيدك انك تخرج تدافع عنهم اوتكتب وتتكلم عن أمرهم فعلي الاقل متنسهمش في دعوة صادقة وركعتين لهم
 اللهم انا استودعناك المعتقلين بالسجون
كل ذنبهم انهم اعتقلوا واتظلموا فاعترضوا بالإضراب وانتفضوا .. فبيتعاقبوا علي ازاي يعترضوا
 اللهم شل كل يد تمتد لهم بسوء
 انتفاضة السجون