الفيوم:

أهالى القرية الثانيه بالفيوم يغسلون الأواني في الترع والمصارف لعدم وصول المياه إليهم

الفشل الكلوي والكبد والبلهارسيا ينتشران في قرية بالفيوم لعدم وصول المياة اليها

يعيش أهالي القرية الثانية بمركز يوسف الصديق بالفيوم حالة سيئة جدا لتكرار انقطاع مياه الشرب، الأمر الذي أرهق المواطنين خاصة بعد لجوءهم لمياه الترعة بديلا عن مياه الشرب واستعمالها في أعمال المطبخ وغسيل الأواني ، ما أدى إلى إصابه بعضهم بأمراض خطيرة كالفشل الكلوي وفيروس الكبد والبلهارسيا الذي كثر انتشاره بين الأهالي وسط تجاهل لشكاوي المواطنين من قبل المسؤلين .

تقول أم مصطفى - إحدى الأهالي - : "بنأخد مياه الترعة ونشربها ونغسل بها الهدوم واللي بيتشطف منها واحنا الحال ده من زمان ومحدش سأل عنا وشكينا لطوب الأرض والناس بطلت من الشكية نشكي لربنا بقى".

وتابعت أم على :"إحنا هنا في آخر الدنيا محدش بيسأل عننا وجالنا فشل كلوي بسبب المياه دي ابن اختي لسه مولود من اسبوع ومحجوزين به في المستشفى بيقولوا عنده فشل كلوي طب ده لسه مطلعش للدنيا أومال لما يشرب من المياه دي هيحصل له ايه ".

لم يختلف ما قاله "على " عن سابقيه إذ شكى من أزمة المياه قائلا :"المياه اللي احنا بنشرب منها دي فيها سمك واستاكوزا وبتسبب لنا أمراض كتيرة".
استنكر جمال - أحد الأهالي – دور المسئولين قائلا :"أنا بناشد السادة المسئولين من فضلكم تعالوا شوفوا المشكلة بتاعتنا وحلوهالنا ولا انتم مش فاضيين لنا أومال وظيفتكم إيه بالظبط".