كلاب حارتنا كل يوم تسمع نباحهم بالساعات
ليهم كبير ، وفى يوم مرات كلب الكبير ولدت ولد يا خسارة مات
أصل إبن جارنا واد بجم ، ربط الوليد من خنقته أربع ساعات
فحب جوزها ينتقم جمع كلابه وراح هجم أصل الكلاب ولاتلقى ليهامحكمة ولاتنتظرحكم نيابات
الأب كان فى الغيط بيروى والأم كات فى السوق بتشوى ، حتى البجم بيجيب حاجات
والدار ساعتها ماكاتش فاضية سلوىٰ كات تخبز ونادية تنشر غسيل خالة عنايات
فكلب حاول منهم إنه يزوم ويعضهم ، طلع الكبير من وسطهم وقاله حاسب دول بنات
،،
مايكونش لينا فى كلبنا ليه موعظة ولا الضمير تَلّم ومات