نافذة مصر
مش زمااااان فرسان ياريس
الزمان .. زمن الخيانه
وقفة الميدان يا ريس ... فضحت الناس الجبانة
طلعتك والنور في وشك غايظ الناس المدانة
اللى ناهبين الوطن ده .... واللى سارقيين الخزانه
افتكر مش هيسبوك ... ياللى شايلها أمانه

السياسه دي ياريس "
لف ...... ومنواره ..... وصياعة
انت فاهمها رجوله ....... هما فهمنها بياعه
وانت مش هيجيب رجولتك اى حد من ا لجماعه

كلهم سلم سلاحه ... اللى جايين واللى راحو
والوطن مخنوق ف إيدهم وانت جاى تطلق سراحه
انت جاى تلجم غرورهم .... بعد ما فاعوا وطاحوا

انت متحاصر يافارس ..... والجراب مليان كوارس
والخيانه فى كل حته ..... والعرب بيعنها خالص
طهر قلبك مش هيشفع ..... والعصابه مش هترجع
شرطها تسلم بلادك للعدو وتخضع وتركع
وانت راجل مش هترضى ...هما مش راضين بغير ده
والخيانه جوه سارحه .... كله جاى يحكمها فرده

والامل لسه بيسكن كل دار
والعيون لسه بتستنى النهار
اوعى تتنازل وترجع
مش فى ايدك الاختيار
انت حلم كبير بتتناوله الايادى
انت اخر حصن فى وجهه الاعادى
انت ميراث الكرامه
اللى هيبقالى لولادى

اوعى تتنازل
لان الغدر مستنى الساعه دى
راح يقولوا الحق ما عرفش الطريقه
راح تقوم الدنيا على الاسلام حريقه
راح تسلم للطوفان أمه غريقه
وانت ياطوق النجاه
انت يارمز الحياه
حتى لو ركع الجناه
انتفض واهتف بلادى
حتى لو ركع الجناه
انتفض واهتف بلادى