نافذة مصر

جربت تشيل جثة متفحمة و أجزاء منها بتقع منك ؟!

جربت تشيل مصاب على إيد و الإيد التانية فيها رجله ؟!

جربت تشيل صاحبك المصاب و يقول لك "ماتسيبش حقي" ?!

جربت تشيل واحد مضروب رصاصة فـ راسه و مخه طالع على إيدك ؟!

جربت تشيل جثة تجري بيها و ضرب النار حواليك و ممكن يصيبك أي لحظة ؟!

إنت اه جربت ...

إنت جربت الدبابات و العساكر تأمّنك ..

إنت جربت تشيل الباشا على كتفك فـ التحرير ..

إنت جربت الطيارات ترسملك قلوب و أعلام فـ السما ..

إنت جربت تاخد كوبونات تكسب بيها هدايا و جوايز و أطقم صيني ..

إنت جربت تقف تحت رجل الباشا و هو بيوزع العصير علشان تستنى "يديك" ..

شفت إنت جربت إيه و أنا جربت إيه ..

علشان كده بقول لك ..
سيبني أحارب من أجل حريتي و كرامتي ..

" أنا مش زيك عبد بيآدة .. أنا إنسان حُر أرفض الظلم "