الناشط السياسي د/ ياسر نجم يكتب في تدوينة عبر حسابه بموقع فيس بوك :
اللى ماكانش مصدق ان انتقاد مرتضى منصور للسيسي تمثيلية واعلان ترشحه تمثيلية..صدق دلوقتى بعد حركة سما المصرى دى ولا لأ..؟
مجرد ما البت اتحدت مرتضى باللغة الفاجرة بتاعته...اللى مابيقدرش أى حد تانى يتكلم بيها..كان مقبوض عليها..وهاتلبس بدل التهمة اتنين وتلاتة..وفى خلال 24 ساعة..
حتى السيسي مالوش القوة دى..
مرتضى منصور أراجوز من أراجوزات نظام مبارك والمجلس العسكري وديل من ديولهم..بينزل ويطلع بترتيب..واختيار اللى بيوجه لهم سهامه بما فيها حوارات السي ديهات بيبقى بترتيب من جهات سيادية..زيه زى توفيق عكاشه..(ومش غريبة خالص انه استعان بيه فى قناته)...
(فاكرين لما مرتضى وعكاشة فى مناسبتين مختلفتين هربوا من الداخلية بنفس الطريقة بالظبط بعد ما كانت تقريبا قبضت عليهم)..
المهم ان السيسي جزء من النظام ده لكن مش هو راسه..
الجواميس بقى اللى زى سما المصري والسيساوية..معتقدين ان السيسي هو الراس..وانهم مادام تبع السيسي وبينهشوا فى أى حد ضد السيسي بهبل وبدون حدود..هايبقوا محميين وماحدش هايقرب لهم..
لسه مش عارفين ان البلد دى لها تستيفة معينة..وماحدش فاهمها إلا اللى داخل فى زوارق النظام من أيام مبارك..وكل اللى فى زوارق النظام ده..ماسكين حاجات على بعض تودى فى داهية..ولحظة سقوط أى واحد منهم هى اللحظة اللى بيتجرد فيها من أسلحته وبتفضل بس الحاجات اللى ممسوكة عليه..
زى ما حصل كده مع حسن حمدي وغيره..
قيس الكلام ده بقى على كل الشخصيات اياها اللى بتشوفها فى الإعلام..ومتجنن ازاى هم بالوساخة دى كلها..ومتجنن أكتر ازاى هم متسابين وهم بالوساخة دى كلها..ومتجنن أكتر وأكتر ازاى بعد ما استابوا وهم بالوساخة دى كلها..فجأة كده بيقع الواحد منهم لما بيخبط فى فلان أو علان اللى أعلى منه فى التستيفة ؟
كل ده مرتبط ببعضه ومرتبط بالثورة وحكم مرسى بعدها اللى لخبط لهم التستيفة مؤقتا..وكان لازم يستموتوا علشان ترجع تانى..
