طفل معتقل بسجون الانقلاب يبكي لأمه وشقيقته، ويشكوا لهما ما يتعرض له من ويلات العذاب يوميا
حيث نقلت شقيقته ما حدث بينهم وما قاله لهم أثناء زيارتهم له :
تقول :
أول ما شافنا بعد عذااااااب طويييييييل
_أمى أنا تعبااااان يا أمى أنا لو خرجت من هنا هخرج أخرس يا أمى
_طب اهدى يا حبيبى بس فى ايه اهدى
_يا أمى بيعذبونا جااااااامد خرجينى من هنا عشان خاطرى اتصرفى يا هدير اعملى اى حاجة انتوا مش بتجولى ليه
_ يا حبيبى قالولنا انك فى ابو زعبل و ممنوع عنك الزيارة والله عملولك ايه يا محمود ايه اللى بيحصل
_أول حاجة بيخلونا نستحمى 3 مرات كل يوم بالمياه المثلجة و يسيبونا من غير هدوم والجو بررررد أوووى وبننام على رخام مثلج ونتغطى بحتة خيشة خشنة أوى يا هدير
_وبعدين
_بيصحونا الساعة 6 ويقعدونا على ركبنا و ايدينا على رجلينا وراسنا فى السقف و يا وييييل اللى بيتحرك ولا يهز راسه
_الأكل اللى بيجيبوه كله دم أنا من ساعة ما جيت هنا مش باكل خالص
_يقولى قوم امسح ولسة ملحقتش اتحرك يقولى يابن... اتأخرت ويجيب الكهرباء فى رقبتى ويفضل يعذب فيا بالساعات من غير أى سبب يا أمى
_اتصرفوا خرجونى من هنا ان شاء الله أخد مؤبد أو يقتلونى بس بلاش أكون هنا
_ممنوع حد يحرك رقبته يمين ولا شمال وممنوع بتاتا الكلام
_اللى عاوز يتكلم يرفع ايده مرة واحد بس فى اليوم و امبارح من الضهر للعشاء راسنا فى السقف ولما طلبنا مياه قالولنا المياه قاطعة وراحوا جايبين مياه وقعدوا يشربوا
_ممنوع نصلى أو نقرأ قرأن خالص
_ممنوع نلبس شبشب
_سامحينى يا أمى أنا مقدرتش أخبى أكتر من كدة حاولوا تتصرفوا
_أنا مش هقبل أكتر من كدة ذل أنا لو قعدت أكتر من كدة مش هسكتلهم وخليهم يقتلونى والله العظيم ما هسكت والله هثور واعمل جناية وخليهم يقتلونى
هذا ما حدث مع أخى عندما رأيته اليوم أما بالنسبة لما حدث معنا وما رأيناه فهو أمر ربما يعرفه الجميع
(للعلم أن محمود مريض بالكلى وعنده مرض فى ركبته بيتنيها بصعوبة وضعيف البنية الجسدية وعندما رأيته لم أعرفه من شكله ولكن عرفته من طيفه وهو الان فى مؤسسة عقابية للأحداث نظرا لصغر سنه)
عندما انتهت الزيارة بعد ربع ساعة فضل ماسك ايد أمى جامد و كإنه بيستنجد بيها ويقولها هتتصرفى صح؟ انتى بتحبينى يا هدير و مش هتسيبينى كدة
_قلتله ربنا هيخرجك يا حبيبى اثبت واستغفر يقولى ممنوع أحرك بؤى يا هديييير
_كل من كان هناك كان يبكى بصراخ كل واحد خارج يجرى على أمه ويقولها عشان خاطرى خرجووونى من هنا حسوا بيا بالله عليكم
