نافذة مصر
 فى أول يوم ليا فى القسم كان معايا واحدة فى قضية جنائية فى الحجز ..
وأول اما الظابط دخل يتمم الصبح .. الجنائية قالت قومي اقفي للباشا ..
قولت لها مين !! قالت الباشا يا بنتي قومي .. قلت لها باشا ايه انتي قديمة قوي .. وبعدين أنا ماليش بشوات يا ستي !!
لما خرج الباشا . أقصد الظابط .. قولت لها الرسول عليه الصلاه والسلام أشرف الخلق .. الظابط ده مش أحسن منه !!
قالت لي طبعا .. قولت لها الرسول عليه الصلاة والسلام أما كان بيدخل على تجمع يوجد فيه الصحابة كانو كل أما يجو يقفو الرسول يقول لهم لا .. قالت لي بجد !!! باستغراب
أنا باستغراب أكتر قولت لها آه والله ..
قالت لي المرة اللي جاية مش هقف ..
دخل الظابط محدش وقف .. قال لها الظابط اقفي يا فلانة ..
قالت له ﻻ ياباشا .. قال لها نعم !!!
قالت له أنت مش أحسن من الرسول يا باشا ..
بصلي الظابط بصة مريبة وشتمني ودعا عليا ومشي