نافذة مصر
مستوى الجهل والضحالة الثقافية اللي ظهرت على المستشار نبيل صليب في المؤتمر الصحفي مش مضحكة خالص.. دي مخيفة !
 إنت متخيل معنى إن شخص في المكانة دي يكون مش عارف يقرأ كلمتين صح من ورقة قدامه، ويكون فاهم إن في نهر اسمه “دلجا” وإنه اسود بسبب الغزو “المغوري”.. فقام إيه بقى.. فيه جيش اتحرك من مصر بقيادة واحد اسمه سيف الدين قَدَس أو قَطَس ( المهم هي حاجه على وزن فَطَس ) واحتل شوية حاجات في السكة؟!!
بغض النظر عن إنه بينصب الفاعل ويرفع المفعول به، واضح إنه معداش على تاريخ ولا جغرافيا، ويبدو إنه معداش على ثانوية عامة أساساً ! ليه ده مش مضحك؟
لأن شخص بالثقافة الضحلة دي ممكن ميكونش متآمر.. ممكن يبقى مصدق فعلاً إن الإخوان بيقتلوا نفسهم وولادهم وبيسيبوا قياداتهم تعتقل وتتعذب في السجون، عشان الناس تتعاطف معاهم.. وبعدين في نفس ذات الوقت يروحوا الإرهابيين دول يفجروا مديرية الأمن ويفخخوا ميكروباص في العتبة عشان الناس تكرههم.. وممكن يبقى مقتنع بجد إن الجماعات التكفيرية (اللي بتكفر الإخوان أساساً) بتتحرك في نفس ذات الوقت بتعليمات من الإخوان! وكله بالدليل طبعاً.. أنا لو لقيت قدامي قاضي تحفة زي ده، ممكن أجيبله الإرهابي الخطير أبو الزعناف المجاهد، أمير جماعة نهر دلجا المغوري، عشان يعترف بتلقي تمويل من الإخوان عن طريق مسؤول الإخوان في مدينة سحلاف الحدودية.. وكله بالدليل.. والزبون هيصدق وهيعتبر إن قدامه قضية بجد ويحقق مع أبو الزعناف وممكن يبعت لجنة تحقيق كمان لمدينة سحلاف.. إنت مستوعب يعني إيه نهر دلجا اسود من المغور؟ سواد