كتب - أحمد شعبان :

سخر نشطاء على مواقع التواصل الاجتماعي من قرار حكومة الانقلاب بوضع جماعة الإخوان المسلمين على قوائم الارهاب.

وكتب أحد نشطاء بموقع "فيسبوك" معلقا على القرار: اسكت مش الحكومة أعلنت ان الاخوان جماعة ارهابية !؟
= يا راجل !! .. طب ويعدين هيعملوا ايه ؟ .. هيعتقلوا قادتهم ؟
- ما هما معتقلينهم من زمااان ياعم .. انت نايم والا ايه ؟
= طيب هيصادروا فلوسهم ويأمموا مؤسساتهم ؟
- صادروها وأمموها من زمان برضو .
= طيب هيبدأوا يقبضوا عليهم ويعتقلوا منهم بالألاف ؟
- يا عم ده السجون والمعتقلات مليانة.. ده حتى الحريم بيعتقلوها !!
= الله ؟؟ .. أومال فاضل ايه ماعملهوش وهيعملوه ؟
-مش عارف الصراحة .
طيب يا راجل كبر مخك .. خليهم يتسلوا.

وقال أخر في بعض أبيات من الزجل:
اخواني .. إرهابي خطير ..
يتمني للناس كل خير ..
ينزل ف عز البرد يخدم ناس كتير ..
علي ظهره شال أنابيب ووزع عيش وطبطب ع الفقير !
بيعلم الاطفال تصلي وتقرا قرآن ربنا ..
يحكيلهم اللي حكاه التاريخ انجازاتنا ومجدنا ..
يزرع في قلب الطفل حب الدين وحب الصالحين ..
ويربي جيل كل اللي يتمناه يكون في الجنه جار صادق أمين ..
لو هو ده الارهاب يا خلق يا هوه ..
يبقي اكتبوا علي تربتي اخواني ارهابي ...

وكتب ثالث يقول: إخواني وافتخر .. تدرجني على قائمة الارهاب على قايمة الهباب .. كان غيرك اشطر .. هيروح السيسي والبلاوي وكل اللي معاهم وهتفضل مصر .. وهيبقى الاخوان فيها رغم عن انوف الجميع .. طظ فيك يا بلاوي".

فيما تناول العديد من النشطاء نفس هذه المعاني مؤكدين ان القرار لن يثنيهم عن المضي قدما في تحرير وطنهم من عملاء الغرب المتواجدين بالجيش والشرطة وكل المؤسسات، وانهاء الانقلاب الدموي الغاشم.