نافذة مصر
الثورة فين ؟؟؟
الثورة وياك يا ابن عمي
عندك يا أبويا
عندك يا أمي
معاك يا كابتن
كانت هنا
مشفتهاش ..
شبهنا .. ولابسة زينا .. ملمحتهاش
الثور أهي
أيوا صح الثورة أهي
بس لابسة الميري ليه ؟؟؟ هي لابسة الميري ليه
الثورة لابسة الميري ليه
قطعولها لبسها ولبسوها الميري ليه
هما العسكر خطفوا الثورة
ولا تكونش الثورة دي عورة ومخبيها الشيخ قباري
ولا يكونش الشيخ قباري هو وشلة جيش النورة متفقين يتقاسموا في داري
ولا يكونش كمان الثورة تبع التجنيد الإجباري
في حد يأتمن العساكر
طب يا ابني ذاكر
ما قالولنا ثورة وبرضوا ركبوها العساكر
والعساكر لما مات العسكري برضوا ركبوها العساكر
والعساكر لما قتلوا العسكري بين العساكر برضوا ركبوها العساكر
واللي فاكر ان ثورة مصر قامت فانتهي حكم العساكر
مش مذاكر
والعيب لا عالعساكر ولا عاللي بيعبدوهم ولا عالمغيبين
العيب عليكي يا ثورة المؤدبين
فمتسأليش الثورة فين
الثورة في جيوب العساكر ولا عزاء للكتيانين
الثورة ناسها متمرغين في الطين
الثورة قاطفين وردها
الثورة هاتكين عرضها
الثورة إحنا معاها والعساكر ضدها
الثورة لو بتحبها رجعها من ايد الغجر والسفاحين
