يعني ايه مذبحة ؟

يعني أبشع جريمة ممكن تحصل في تاريخ البشرية

لما قوة مسلحة تقتل عدد كبير من المدنين السلميين.

هي دي ببساطة المذبحة .

والمذابح كتير في التاريخ .. مذابح كانت أرقام ضحاياها .. بالعشرات ,وبامئات وبالالاف

المذابح منتشرة في كل مكان في العالم .. وكل ما زادت قوة الظلم وغاب العدل في مكان .. ظهرت المذابح فيه.

فلسطين ...

أكتر مكان بيعاني في العالم باستمرار ، قامت عشرات المذابح على إيد الصهاينة .. واللي منها:

دير ياسين سنة 1948 ( أكتر من 250 شهيد) ، وقانا سنة 1996 ( 106 شهيد) .. وغيرها كتير

ده غير المذابح اليومية في سوريا على ايد قوات بشار الأسد.

أما في مصر .. فالمذبحة اللي بيتضرب بيها دايماً المثل كانت سنة 1811 ، مذبحة القلعة اللي راح ضحيتها 1000 مملوك على ايد محمد علي باشا في صراعه على السلطة.

وعشان ما نروحش بعيد في التاريخ .. لوبصينا لآخر 3 سنين في تاريخ مصر هنلاقي التالي :

أحداث ثورة 25 يناير 2011 : أكتر من 800 شهيد ده غير آلاف الجرحى في 18 يوم

فترة حكم المجلس العسكري من 11 فبراير 2011 لـ 30 يونيو 2012 : أكتر من 200 شهيد، غير آلاف الجرحى

أما أحداث انقلاب 30 يونيو 2013 فضحاياها وصلوا حتى الآن لأكتر من 500 شهيد ، ده غير ٧٥٠٠ جريح يتحولون كل يوم لشهداء

.. وكل ده في اقل من شهر واحد ... وكل المؤشرات والأحداث اللي بترجح زيادة الاعداد

في 2011 كان الضحايا على مستوى مصر كلها

في فترة حكم المجلس العسكري كانت الضحايا على مدار في سنة ونص

وفي الانقلاب في 2013 الضحايا أغلبهم في يومين ، وأغلبهم في مكانين

يوم 8 يوليو 2013 عند دار الحرس الجمهوري.

ويوم 27 يوليو عند النصب التذكاري .

ده غير مذابح تانية كتير فى جامع إبراهيم - الإسكندرية، المنصورة، الشرقية، رمسيس، النهضة، ودمياط

لو بتحب تقرأ الأرقام يبقى الأرقام بتقولك إننا بعد الانقلاب بنعيش واحدة أبشع مراحل القمع والوحشية في تاريخ مصر والعالم.

ولو بتحب تقرأ التاريخ .. فالتاريخ بيقول إن النظام اللي بيرتكب مذبحة لا يمكن تستنى منه عدل ، وإن أي مذبحة مش بتبقى النهاية .

دي مجرد البداية، الشهداء دول قدموا أرواحهم علشاني وعلشانك وعلشان مستقبل بلادنا

إقرأ التاريخ والأرقام.. وفي النهاية خد قرارك .

يا تكسر الانقلاب ، يا تستنى دورك.