كتب – محمد صلاح

في مفاجأة من العيار الثقيل كشف الدكتور أحمد سليمان معالج الشهيد محمد الجندي في تدوينه له علي صفحته الشخصية أكاذيب وخدع جبهة الإنقاذ والتيار الشعبي وفضح كذبة حمدين صباحي

 وقال نصا: " بصوا يا جماعه علشان الموضوع زاد عن حده جدا بالنسبة لقصة محمد الجندي واللى من الواضح ان فيه نيه كبيره لاستغلالها وتحويلها لفتنه جديده انا شغال فى مستشفى الهلال فى الرعايه المركزه واللى حصل بالضبط هاحكيه الاسعاف جابته وقالت انه حادثة عربيه لكن احنا مش عارفين بالضبط ايه السبب للى حصله قرايبه بيقولوا ان اخر مره حد شافه كانت الساعه 1:30 الفجر لانه عمل تصريح لقناة سكاى نيوز عربيه بعد كده الشاب اتقطعت اخباره لمدة ساعتين لحد الاسعاف ما جابته لينا وده كان الساعه اربعه فجر يوم 28 ....هو كان جاى فى غيبوبه عميقه واتعمله اشعه مقطعيه كان فيها brain edema وكان عنده كسر فى 3 ضلوع دخل الرعايه ومشى على علاج واتحط على تنفس صناعى لكن للاسف حصل conization &brain stem death النقطه فى الموضوع ان الاهل ماكانوش يعرفوا انه عندنا فى المستشفى واتعرفوا عليه يوم الخميس وده انا كنت نبطشى فيه وقدام عينى اصحابه جم الاول وبعدين خاله وابن عمته ومامته جت صباح الجمعه المهم ان ان الاشاعات بتاعة التعذيب والمعتقل دى اتقالت من اصحابه استنادا انهم سمعوا الكلام ده من واحد قالوا انه كان معتقل فى معسكر الامن بتاع الجبل الاحمر احنا نفينا الكلام ده وقلنا ان الولد محجوز عندنا من يو 28 وخدنا ناس من قرايبه منهم دكتورة كلى ووريناهم اذن الدخول واشعات االعيان ومعامله من ساعة الدخول علشان ننفى الموضوع وقولنالهم ان مستحيل ان دكاترة الرعايه والاستشاريين والاخصائيين والعمال والتمريض كلهم كدابين وبيتامروا مع بعض ومع الحكومه ضد الشاب الغلبان ده لكن كان واضح ان فى اصرار من بعض اصحابه والناس بتوع التيار الشعبى على استغلال الوضع باى شكل والكلام ده قولناه لجورج اسحاق لما جه وقلناه لواحد قالنا انه مدير مكتب حمدين صباحى وبدا الموضوع يوصل الاعلام والكدبه بتاعة التعذيب دى تكبر لحد ما وصلنا للوضع اللى احنا شايفينه دلوقتى بجد ياريت يتحقق فى الموضوع والناس دى تتفضح تجار الدم اللى لا رحموا الشاب وهو حى ولا رحموه وهو ميت "