17/10/2010

نافذة مصر / كتب - عمر الطيب:

ننشر تعليقات قراء مصراوي على تصريحات د/ مفيد شهاب كما هي ، إلا من ستر بعض الكلمات البعيدة عن أصول اللياقة ، ليعرف الوزير قبل أن يطلق تصريحات فى الهواء : من المحظور ، ومن المكروه ، ومن المنبوذ ، ومن المحبوب !!

تعليق : i.hussuin 
أحترم سنك وخاف من ربنا

أحترم سنك وخاف من ربنا يا اخى مش هينفعك بحاجة المنصب اللى انت فيه فى اخرتك وسيبك من حزب الحرامية والكذابين والمنافقين والوصوليين اللى مصيرهم ان شاء الله فى صناديق الزبالة وفى الاخرة مصيرهم بإذن الله فى النار .

تعليق : Hero75 
يا خسارة يا دكتور شهاب

كنا بنحترمك والله انت كمان مشيت مع النغمة بتاعت الحزب الوطني وبعدين انت خلاص عرفت نتيجة الانتخابات علي رأي عادل امام الاعلام عندنا تطور والخبر بقي بينزل قبل ما يحصل بتلات ايام ولا هي خلاص اتظبطت المقاعد خلاص و السناريو اتوضع اصل العيب مش عليك العيب علي الاخوان الي رضيوا يشاركوا في المهزلة دي وبعدين اداء اعضاء الاخوان بتقولوا كان ضعيف في الدورة الماضية ... هو انتوا كنتوا بتدوا فرصة ليهم في اي حاجة ولا كان وزير او محافظ بيرضي يقابل حد منهم او يوافقلوا علي طلب واحد علشان يحرجوهم قصاد اهالي دوائرهم علشان تطلعوهم فاشلين بس برده هم احسن من نواب الفساد بتوعكم الي ريحتهم بقت تزكم الانوف

 تعليق :ThEEnD
فن الوقاحه

الحزب الوطنى يمتلك موهبه فريده وهى الوقاحه مش اى حد على فكره يقدر يكون وقحه ديه موهبه ومكله وماشاء الله الحزب الوطنى بعيرف يستغلها كويس يادكترو يعنى ايه مش هيخدى 88 كورسى المره ديه هى انتخبات ديه تفصيل يعنى ولا ايه احنا هنضايق نفسينا ليه ماهو من اصل العيب على اخوان الى مرضوش يقطعو خليهم يشربو بئه

تعليق :m.helmy36
حاجة بسيطة

(وقال شهاب انة لا يوجد شئ فى القانون يسمى اخوان مسلمين) طب هو فى شئ فى القانون يسمى حزب وطنى ؟!!!

تعليق :xp2600
اضحك مع الوطني

يا عم غوروا في داهية بقي, ان شاء الله تبقو تاريخ وتاريخ اسود

نعم للبرادعي ان شاء الله.

تعليق :mohmed
ابو جهل

لابد ان نجد فى كل زمان من يمثل شخصية (...)

تعليق :yasserhassan74
ومن الحكومة ما يضحك

ههههههههههههههههه...

 تعليق :masry
الناس دى بتفضح نفسها

وقال شهاب :"(المحظورة) لن تحصد في الانتخابات القادمة على 88 مقعداً كما حدث في انتخابات 2005 ".
يعنى بذكائه كان المفروض يقول أن نتيجة الانتخابات هتتحسم نتيجة لتصويت الشعب و بعد ما يزوروها يبدأوا يحللوا أسباب سقوط الاخوان و نجاح الوطنى و أحزاب المعارضة الصورية أنما هما دلوقتى بيقولوا احنا هنزورها و هندارى على التزوير بالحجج دى ياريتهم كانوا زوروها وسبكوها بس كده هيزورها بفضيحة كاملة ليهم

تعليق :sob7y
دكاترة مصر

بسم الله ماشاء الله عندنا فى مصر دكاترة كتير وكلهم مش فالحين غير فى الردح و الخناق معندناش دكتور بيعانى للشعب الغلبان اللى مش لاقى ياكل

تعليق :tiger masr
عصر العلم فى مصر

قمة التطور العلمى هنا فى مصر حيث يدلى الوزير بالنتيجة قبل الإمتحانات أقصد الإنتخابات ويجعله عامر والله عماااااااااااااار يا مصر

تعليق :3bd Almon3em
بيشتغلو نفسهم !!

بيشتغلو نفسهم وبيقولو جماعة محظورة وغير معترف بها مع انهم هما شخصيا معترفين بها وبدليل انهم بيطلقو عليها اسم الجماعة المحظورة .. فكلمة جماعة معناها انه اعتراف ضمني منهم بوجود تنظيم اسمه جماعة الاخوان المسلمين مع تغيير المسمى ..فبدل مايقولو جماعة الاخوان المسلمين مغيرين اسمهم للجماعة المحظورة مع نفس الاعتراف الضمني لوجود الجماعة وتنظيمها .. غباء لا يوصف !!!

تعليق :nogasweet
اعتراف

هذا اعتراف صريح وواضح ان نتائج الانتخابات على مزاجهم
وان التزوير و البلطجه هو منهجهم فى الانتخابات القادمه قصدى المسرحيه الهزلبه القادمه
ياخساره يا شهاب كنت بحترمك ايام ملف طابا خخخخخخخخخخخخخخخخخ...

تعليق :samagroup2010
مفيش اخوان

طيب طالما ان مفيش اخوان
عملتم مسلسل الجماعه ليه
واللى بتعقلوهم الان مين هم
الغيتم الاشراف القضائى ليه
وال 88 اللى دخلوا المجلس مين هم
وعملتم محاكم عسكرية لمين

للاسف الان يا مفيد انت لست بمفيد

تعليق :shokrykhalifa
نائب النصب

نفسى اعرف هو رشح نفسه ليه فى محرم بك مع انه واقسم بالله ما يعرفش حتى يروح شارع الرصافه لانه ولسبب بسيط عمره ما يعرف حاجه عن اسكندريه غير الكورنيش والساحل الشمالى لانه عمره ما كان اسكندرانى فى يوم من الايام وعمره ما حيكون ارجوك واتوسل اليك غور من وش الاسكندرانيه لان عندنا بسم الله ما شاء الله (....)

تعليق :yrabie
مفيش في القانون حد اسمه 'شهاب'

انا بصراحة بعجب على الحزب الوطني المحظور ازاي الشعب المصري ساكت عليه لغاية دلوقتي بعد كل المصائب الي حلت بمصر.

تعليق :shokrykhalifa
البلطجه بدات يابلطجى

بدات البلطجه من كبير (..) الحزب الوثنى هو بيقول انه ما فيش حاجه اسمها اخوان اصحى يا (...)  الناس كرهوا وزهقوا من امثالكم هو انت بتفتكر انك لسه عايش فى القرن الماضى الناس عارفه مين انتم ومين هم الاخوان على ايد امثالكم وامثال سيدك ما شوفناش الا الذل والهوان وعدم كرامة المصرى تحب اقول كمان

تعليق :shehab_islam
الى مفيد شهاب

الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَانًا وَقَالُوا حَسْبُنَا اللَّهُ وَنِعْمَ الْوَكِيلُ

مقادير الدنيا كلها بيد الله
ولو أراد الله للإخوان او غيرهم دخول مجلس الشعب سيدخلوا غصب عنك

وبعدين حسب ما الشعب يستاهل
لو الشعب يستاهل نواب مخلصين هيدخل نواب مخلصين ولو غير كدة يبقى الشعب يستاهل

تعليق :aboelabbas_2020
مصر حاميها حراميه

حرام عليك يا دكتور مفيد هوه ده اللي ربنا قدرك عليه.انت لا تري الا الاخوان.طيب الحكومه وكل المناصب الكبيره كلها حزب وطني عملت ايه للبلد.انته كده دكتاتور اتق الله وخلي كل الناس تشارك وتطور في البلد .لو الاخوان وحشين كفايه انهم مش حراميه.ولا خايفين علي كراسيهم.اعمل شيء واحد كويس تأجر عليه يوم القيامه.وبعدين انت رجل مسن اعمل حساب للاخره اللي انت مشرف عليها

تعليق :elhwary
 كلامك فيه غلط دوك شهاب
والصح :::
انه لايوجد فى القانون حاجه اسمها شعب

تعليق :ahmedhesh
أتحداك

أتحداك يا دكتور أن تستقيل من منصبك بمحض إرادتك وتحترم نفسك

تعليق :ahmedhesh
لن

لن تتخلي القلة الفاسدة في البلاد عن مكاسبها طواعية....الثورة علي الفساد هي الطريق الوحيد لإزالة هذة (...) الموجودة بالحكم والمنتفعين به

تعليق :shawkyshalby
باي وسيلة

هل بالتزوير ام بمنع المواطنين من الادلاء باصواتهم
انا لست اخوانيا ولكن دعوا كل مواطن يختار من يشاء في جو هادئ

تعليق :adel_akh
هى المشكلة فى اسم الاخوان

المشكلة فى حال الدولة التى اصبحت هيكل دولة بسبب الفساد المشكلة فى احوال مصر التى لاتسر عدو ولا حبيب المشكلة ان مصر مصابة بالسرطان الفساد ويرتها جت على الاخوان هم فى نهاية مصرين واحترام الراى لا يفسد فى الود قضية

تعليق :ahmedhesh
 إن كنت راجل

إن كنت راجل إلغي حالة الطواريء قبل الانتخابات

تعليق :wsakhawy
اسكت بقي

نفسي يسكت بقي الراجل دا لما بيتكلم بيطلع (....) ، واحب أنصحه بأنه يخرس وكل الناس بتقول له .... يا مفيد أنت أصلا غير مفيد بالمره

تعليق :ahmedhesh
فوت علينا بكره يا سيد

سنعطي أصواتنا لأي شخص متدين يخشي الله ويخشي الحرام ولا ينافق الحكومة...حتي لو كان من الاخوان

تعليق :abo osama
 حسبى الله ونعم الوكيل

والله انى لاثق انكم منافقيين وتجترؤون على الله وربى لو قال الشيطان لقال مثلما تقولون. قال تعالى " الَّذِينَ قَالَ لَهُمُ النَّاسُ إِنَّ النَّاسَ قَدْ جَمَعُوا لَكُمْ فَاخْشَوْهُمْ فَزَادَهُمْ إِيمَانًا وَقَالُوا حَسْبُنَا اللَّهُ وَنِعْمَ الْوَكِيلُ " صدق الله

تعليق :m7moud
انا مبحبش الاخوان

بس بفرح جدا اما بشوف اتصاراتهم على الحكومه الفاسده على الاقل هما عملوا لنفسهم قيمه وسعر على عكس حكومتنا الى مرخصه الشعب وبتحاول تفجر الشعب
والشعب لو انفجر محدش هيقدر يوقف 50 جعان ومظلوم ومش واخد حقه فى بلده وبره بلده
انا برشح الاخوان لانهم افضل بكتير من حكومه فاسده وربنا ينتقم من كل شخص فى الحكومه ليه يد فالى بيحصل لشعبنا الجبار
وعامه انا مغترب ومش موجود فى مصر خوف من انى اضيع جوه مصر

تعليق :deeper
ليه لا

الجماعة دي مش فازت بمجهود صحيح واضح لا تزوير ولا استعمال للبلطجه وكلاب الحراسة اللي (...) طوارىء ما يعرفوش غيرها ولا ليكم مكان في البلد دي الا بيها،يبقى انا كشعب ليه ما احترمش وجودها ليه ما اجربهاش انا جربتكم وطلعتوا اسوء ما مر على مصر فلما لا اكون معهم حتى اتخلص منكم ومع دعوى البرادعي اذا لم يؤدوا ما انظره استطيع تغييرهم،ولكن معكم لا استطيع الا أن اكرهكم