الجبنة الموتزاريلا اصبحت من المكونات الضروريه جدا في كل بيت , فلا يوجد طفل لا يعشق البيتزا و لا تكتمل البيتزا الا بالجبنة الموتزاريلا التي تضيف لها طعما و مذاقا مختلفا , و كما اعتدنا دائما ان نقوم بصنع كل شئ في المنزل بتكلفه بسيطة اقل كثيرا من اسعار شراؤها من المحلات و السوبر ماركت , نقدم لكم اليوم طريقة عمل الجبنة الموتزاريلا في المنزل .
* المكونات المطلوبة لعمل الجبنة الموتزاريلا : ——— – نص كيلو لبن . – معلقه كبيرة لبن بودرة . – معلقه صغيرة ملح . – شاشة

* و الان مع ابسط طريقة لعمل الجبنة الموتزاريلا
* هاتي اللبن بدون ما تغليه نهائي و اتركيه بخير كده في اي لبانه بغطاها حتي صباح اليوم التالي . * تاني يوم جتلاحظي ان اللبن تقل جدا , يلا ضيفي عليه الملح و لبن البودره و قلبيه بالراحه جدا . * ارفعي اللبن علي نار هادئة جدا جدا . * اول لما تلاحظي ان اللبن بدأ يفصل ارفعيه فرا من علي النار و انقليه في حمام بخار ساخن . * قلبي اللبن بمعلقه خشبيه لحد لما يفصل الجبنة عن الماء . * ارفعي الجبنة من علي النار و حطيها في قطعة الشاش و اتركيها تتصفي كويس . * ممكن كمان تضغطي عليه برفق علشان تساعديها تنزل كل اللبن اللي فيها . * لاحظي ان اللبن النازل من الجبنة ممكن تستخدميه في عمل المش او القرص الطريه فبلاش ترميه . * و بكده اصبح عندك الذ جبنة موتزاريلا بسعر بسيط و علي قد الايد , احفظيها في الفريزر و استخدمي منها حسب الكمية المناسبة ليكي