نافذة مصر
غدا اجتماع دولي غدا للوصول لحسم بشأن الحرب في فلسطين...
الاجتماع يضم أمريكا ودول الإتحاد الأوروبي....ومين كمان ؟
تركيا وقطر...
بس كده ؟
بس كده....
يعني مافيش مصر..؟؟!!
بح مصر...
مصر فقدت حتى دور السمسار اللى كانت بتلعبه أيام مبارك..وفقدت ثقلها الإقليمي تماما..
انتقلت على مدى 40 سنة عبر المراحل الآتية:

- من أقوى أطراف معادلة الصراع ضد اسرائيل...(عهد عبد الناصر وأوائل عهد السادات)..
- إلى دور همزة الوصل بين الفلسطينيين والإسرائيليين مع الدفاع عن مصالح الفلسطينيين..(أواخر عهد السادات وأوائل عهد مبارك)..
- إلى دور همزة الوصل المحايدة...(منتصف عهد مبارك)
- إلى دور همزة الوصل المتوافقة مع اسرائيل سراً والمحايدة علناً (أواخر عهد مبارك
- عهد مرسى فترة استثنائية خارجة عن التسلسل ده ورجعت مصر بسرعة لخانة الحرب الباردة مع اسرائيل ودعم المقاومة..(علشان كده صرح قادة اسرائيل انهم ماكانوش بيناموا الليل فى السنة دى)..
- إلى عداء صريح للمقاومة الفلسطينية والوقوف صفاً واحداً مع الإسرائيليين..(منذ انقلاب 3 يوليو)...

بالخطوة الأخيرة دى تم دق المسمار الأخير فى نعش دور مصر الإقليمي (إلى أن تتغير السلطة الحالية فى مصر)...
لا العالم ولا أمريكا ولا الفلسطينيين محتاجين إسرائيل أخرى للتفاهم مع الفلسطينيين...
هم محتاجين حد تسمع له حماس..
انتصارات حماس لها دور كبيييييييييييير فى ده...لأنهم مابقوش مغلوبين على أمرهم..ومابقوش مستنيين ما يجود به الكبارات عليهم..دى نقطة...
والنقطة التانية ان الإنتصارات دى همشت دور سلطة فتح وعباس...مابقاش فيه أهمية للى يتفق عليه عباس..لأنه مالوش كلمة ولا سلطان على اللى بيحصل على الأرض..الأقوياء اللى بيغيروا الواقع على الأرض بس هم اللى العالم محتاج يتكلم معاهم واسرائيل وأمريكا محتاجين يتكلموا معاهم..
وبالتالى الحرب الحالية أجبرت العالم انه يبحث عن وسطاء آخرين تثق بهم حماس...وهنا طلعت تركيا وقطر وحلوا محل مصر..أيوه قطر..قطر الصغيرة دى...اللى بتتريقوا عليها..وبتعتبروها قزمة جانب مصر...والحقيقة ان مصر المفروض أكبر من قطر بكتير فعلا..لولا انكم قزمتم مصر لحد ما بقت صغيرة أوى جنب قطر...
مش ده بس المهين...
المهين أكتر كمان ان مصر المفروض طرف أساسى كده كده مهما تضاءل دورها لأن الحدود معاها ومسألة المعبر تدخل فى السيادة المصرية..لكن هم علشان عارفين ان اللى هايتفقوا عليه مصر هاتنفذه ورجلها فوق رقبتها...فحتى دى مش مهتمين انها تحضر علشان تتفق عليها....يعني حتى سيادتك وأمنك القومى اللى بتضحك بيهم على عبيدك اتعريت فيهم ملط...لكن العبيد طبعاً مش هايشوفوك ملط لأنهم فرحانين بتفتيش كيرى على باب القصر.