نافذة مصر
شو يعني حرب؟
•يعني تنام أسرتك بغرفة وحدة حتى يستشهدوا مع بعض.
•يعني تسمع القصف العشوائي وتصير تتشاهد مع كل صاروخ بنزل لأنك مش عارف أي واحد حينزل عليك.
•يعني بوقت الحر تقفل الشباك حتى ما تنخنق من الكبريت والفسفور ودخان القصف وتصير بلا منفذ هواء.
•يعني تشوف ناس بتحبها استشهدت أو فقدت أحبابها وناس تانية فقدت بيوتها وأنت مش قادر تواسيهم أو تواسي حالك ع شعور القهر إلي بتحسه لحظتها.
•يعني تشوف غيرك بعاني بس انك مو قادر تمدله ايد العون أبدا هدا بالأخص شعور ....!
•يعني يتحول ليلك لكوابيس ملهاش هدا لو قدرت تنام أصلا.
•يعني تشوف أطفال بعمر الورد مكتوب عليهم يكملوا حياتهم بإعاقة أو فاقدين أهلهم.
كل هاي وأكتر كمان معنى انك تكون بحرب،نحن مابنحب الحرب بس لو اضطرينا الها بنضحي مش معنى انه احنا شعب مقاوم يعني مابنزعل مابننحرق مابنخاف،امبلا بنحس بكل هاي المشاعر بس بنربط ع الجرح وبنكمل لأنه استسلامنا يعني بنخون دم الشهداء، بنخون قسمنا انه رح نرجع الحق لأصحابه،والاهم بنخون هاي البلد الي اكلنا وشربنا من خيرها وعشنا فيها
وكله فداكِ يا بلادي بهون