نافذة مصر
جبت الفانوس لأبنك خلاص إرتاح ونام ؟؟

علقتوا زينه في الشوارع وفــــ شبابيك الجيران ؟؟

جبت البلح .. جبت الزبيب ..خزنت أكلك والعصاير والأمور صبحت تمام ؟

عيني عليك يابن الشهيد والمعتقل !

كل العيال ماسكه فوانيس الأمل ..

وانت الأمل عندك تشوف تربة أبوك ..أو وشه من بره السلوك

نفسك ف حضن تقوله فيه كل الكلام ..

نفسك تقوله هات فلوس أو وانت راجع هات فانوس ..

نفسك تقول ..خدني ف ايدك للقيام ..علمني إيه فقه الصيام ..

طيب بلاش ..
ارجع وماتجيبش الفانوس ..وإدي لسجانك فلوس

كل الفلوس

وارجع عشان من يوم ما سبت البيت ..وانا مبقيتش انام