نافذة مصر
دون الناشط والمنشد محمد الصنهاوي تدوينة له اليوم باللغة العامية محاولا شرح ابعاد جريمة الشرطة داخل الحرم الجامعي بالمدينة وماهية الكذب والتلفيق الحقير من قبل قوات امن الانقلاب قال فيها
طيب أنا باحاول أفهم ايه اللي حصل قدر الإمكان ... لكن اللي مش قادر ولا هاقدر أفهمه انت بتجهز لاقتحام المدينة ليه وبأي مسوغ ؟!!!
يعني كل المواقع ووسائل الإعلام التابعة للانقلاب تقريبًا اتفقت على تفاصيل موحدة في الرواية :سيارة تحمل مسلحين - اختلفوا في عددهم -السيارة جت ضربت نار أو تبادلت إطلاق نار مع قوة من الأمن قدام المدينة أو كمين - فيه اختلاف هنا - فيه 3 مجندين أو 2 اتقتلوا ، وفيه 8 إصابات تقريبا
السيارة لاذت بالفرار بمن فيها ( ماتفهمش ازاي في منطقة زي مدينة نصر وبعد ماقتلت 3 وانت متمركز بكل قوتك ليل ونهار قدام المدينة الجامعية وبتضرب غاز وخرطوش ورصاص )
دلوقتي القصة إنه عربية ضربت نار وجريت وانت لاعرفت توقفها ولاعرفت مين فيها ...

رايح تحاصر المدينة الجامعية وتقتحمها ليه بقى ومستدعي قوات جيش ؟!!!!
يعني العربية جت من برة من الشارع وجريت منك برة في الشارع وفي مدينة نصر كمان اللي انت مقفلها بالضبة والمفتاح فالحكاية كلها برة برة مالك بقى ومال ( جوة ) المدينة ؟!!
يعني مش مكفيك القتل اللي قتلته لطلاب المدينة على مدار الشهور اللي فاتت وتحويل بوابة المدينة لساحة حرب ... رايح كمان تحملهم حادث حصل برة مدينتهم والعربية هربت منك لبرة من تحت مناخيرك ؟!
يعني أفهم إنك تطارد العربية ، تقبض على المسلحين اللي فيها ولا تقتلهم ولا يقتلوك ... كل ده برة داخل جوة ليه ؟! ايه المبرر اللي هتقوله للناس ؟!
ربنا ينتقم منكم ويذلكم ويقهركم
شوفوا كل يوم شغالين فينا قتل واعتقالات ومهانة ... ومع ذلك مانقدرش نقول غير إن ربنا يرحم كل مظلوم ويغفر له وينتقم من كل ظالم ويذله