تعليق إسلام سلامة -محامي المعتلقة "دهب"- بعد الإفراج عنها أمس .. عبر فيسبوك: 
 
الى جميع الصحفيين والمحامين والحقوقيين
دهب خلاص خرجت
كفايه اسئله عنها وكلام عنها
احنا عندنا الف دهب جوه السجون محتاجين نظره
اللى عايز يشتغل بجد يروح النيابات ويشوف الناس اللى بتتعرض علي النيابه بتهمه هايفه وبياخدو 15 يوم فى 15 يوم واستمرار
او يروح السجون ويبص هناك
ياجماعه والله مش دهب بس القضيه
القضيه دهب ونعيمه وسماح ونورهان وسلسبيل وآلاء وكل دول
طيب حد سمع عن الست اللى دخلوا عليها الزنزانه فى السجن لاقوها ولدت خلاص وابنها فى حته وهى فى حته وبتعانى من اعياء شديد
بالله بالله عليكو حاولوا تنشروا للناس دى وتتغطوا بكل ما لديكم من قوه لاجلهم ولاجل القضيه
موضوع دهب فتحناه عشان نخرجها بالسلامه ويبقي ورقة ضغط والحمد لله حققنا المراد منه
يارب يثبتكم ويثبتنا ويجعلنا سبب في خروج البنات ونصرة القضية