نافذة مصر
قصة واقعية ترويها شاهدة عيان
كنت بشتري سمك امبارح من سوق الزيتون و الراجل اللي بتعامل معاه على طول اسمه شنوده و مربي لحية خفيفة المهم رحت لقيته ضايع لا عارف يجمّع كلمتين على بعض و لا عارف يقف على حيله بقوله : مالك ياشنوده و انا بضحك و بتريق قالي : و الله يا مدام انا امبارح كنت معدي جنب مسيرة من بتوع الاخوان و شميت غاز لما اتعميت و لحد انهردة عيني عمالة تدمع و مش شايف كويس انا مش عارف مستحملين القرف ده ازاى

 وانا ماشي قفشني أمين شرطة ابن حرام قعد يضرب و يلطش فيا و يشتمنى و يشتم اهلى و يقولي يا اخوان يابن ال(...) و شتايم عيب اقولها قدام حضرتك و انا مش عارف اتكلم وكل اللي طالع علي عمال اصرخ و اقوله انا اسمي شنودة يقولي اه ا كدابين يا ....... يا

....... اجي بأه علشان اطلع البطاقة مش شااااااااايف حاجة ..كل حاجة شايفها شبورة كده ملغبشة و انا عايز اقنعه اني شنودة فعلا لقيت نفسي بقوله و المصحف اسمي شنودة وهو سمع المصحف من هنا و هاتك يا ضرب و جرجرة و بهدلة فيين على ما فتشني و لقي البطاقة قالي يا رااااجل مش تقول من بدري و بعدين ايه الدقن ديه شيلها لحسن تشبهك

تعليق شنودة بأه :: و الإنجيل يا مدام انا لو لسة بصحتى بعد البهدلة ديه لانزل مع الاخوان مظاهرات علشان اطلع (.....)أم الامين ده و اللي ضربونى معاه