كتبت الصحفية وعضو نقابة الصحفيين هالة جلال عبر حسابها الشخصي على موقع فيسبوك:

أنا ما نزلتش النهاردة و ما دعتش للنزول ،
والحقيقية انا من ثلاث سنوات عمري ما دعيت حد للنزول
كنت بروح عادة لوحدي او بالاتفاق مع ناس مقررة اصلا تنزل .

بس النهاردة اللي نازلين شتيمة في من نزل اليوم يتظاهر يبقي يفتكر بالمرة يشتم الداخلية والجيش اللي قتلوهم .. يعني خلافاتكم السياسية وتخليص تاركوا الشخصي حاجة مش لازم تستعملوا فيها دم الناس ...

ثم اللي عنده فكره للوقوف ضد الديكتاتروية غير الثورة عليها يبقي يدينا خبر .

واذا اختلفت التقديرات فليس الأولوية لسب من أُصيب ومن قتل ومن دعي للتظاهر .. وانما ركزوا في سب القتلة علشان اقدر اصدقكوا ...

وما حدش يطلع يستهبل ويقوللي انتي اخوان ، ولا متعاطفة معاهم علشان ما يخرجنيش عن أخلاقي ..

واللي عمالين يقولوا يستاهلوا علشان نازلين مع الاخوان ما عندهمش ضمير لان عشاق السيسي نازلين مع الاخوان برضه وما حدش لمسهم.

ثانيا نازلين بدعوة من السيسي قال ايه لاحياء ذكري خمسة وعشرين يناير اللي قامت ضدهم اصلا واللي هما عمليا مسمينها ( نكسة) اللي هي مفردات الجيش لوصف هزائمه ، وشايلين صورالسيسي وتماثيله وعاملين له مولد يعني مع الرصين بدرجة عالية المستوي.