كلمات إسلام هجرس
لسه الحكايه بتبتدي ..
والصبح بيفتّح مداه
والطلقة رنه بيهتدِي
على لحنها الوطن اللي تاه

(١)
لسه الرصاص اللي اترمى ..
عمال يطبطب ع القلوب
مين اللي قال الملحمه ..
لو طولت ممكن تدوب
يسلم لنا الجرح وأساه
لسه الحكايه بتبتدي ..
والصبح بيفتّح مداه
(٢)
مين اللي قال مليون شهيد ..
وألف مسجد يتهدم
وعيد كأنه ماكانش عيد ..
هيعلم القلب الندم
الموت على أرضك حياه
لسه الحكايه بتبتدي ..
والصبح بيفتّح مداه
(٣)
لساها بتطل الورود ..
من أرض رابعه الطيبه
من اللي قال إن البارود ..
يهزم هواه نسمه صبا
سلميه بتهد الجناه
لسه الحكايه بتبتدي ..
والصبح بيفتّح مداه