يا حر كمل ثورتك
بقلم / ياسر السيد
يا حر كمل ثورتك ............. وزيح ظلام الليل
اخرس نباح الكلاب ............ رجع صهيل الخيل
نشف دموع الغلابه .......... واللى مالوش منديل
خفف حمول الفقير ........... ضهرة اتحنى م الشيل
اقطع رؤس الافاعي ......... واللي نهب بالليل
ومص دم الغلابه ............... وسال عليهم سيل
سقاها مُر الوجع .............. بالقهر هد الحيل
معجون بدم الخيانه .......... غدار وديل وعميل
يا حر كمل ثورتك ...... وزيح ظلام الليل
قوم ورجع فرحتك ............ من اللى سرق توبها
طهر اساس دولتك ............ من كل ما يشوبها
وابنى بلد محترم ............ يليق بانسابها
تغيظ قلوب العدا ............... تفرح كل احبابها
فيها حصون العداله ........ نتنعم في محرابها
فيها الفنون الوان ............ والعلم ابوابها
خيرها يعم الجميع ........... والتبر في ترابها
تعيش فى امن وامان ........... كل العدا تهابها
لما اسودها تسود ............. وتنخزى كلابها
الاحرار فيها الرؤس ..... والخونه اذنابها
ويا حر كمل ثورتك ... وزيح ظلام الليل