05/05/2010

 الخيبة الكبيرة يا عمي.. والعسكر كتيرة.. ماليين الشوارع يابا بالشوم والبنادق..

دول مخبرين ودول أمن دولة.. دول بلطجية جاين مقاولة..

يا حضرة الأراجوز قوللي.. نعم عاوز إيه.. الخير حقيقي هيوصلي.. امدح نبينا وصلي عليه..

هيخدعوك علطول علطول لحد ما تدي صوتك..

تسأل عليه تلاقيه مشغول لحد ما يطلع روحك..

وتجوع مراتك وعيالك.. مافيش لا زيت بقي ولا سكر..

وهو عايش وبمالك.. بيمشي علطول يتمختر.. يفضل كده يسرق ويغش لحد الخازنة ما هاتنش..

ولما تلقي الحزب فشنك.. اعرف إنك تهت وضعت..

ياه دي الدنيا ضلمة والتوهة جاية..

مع السلامة.. مع السلامة.. مع السلامة في الجولة الجاية..

الأبيات كانت بداية أوبريت الخيبه الكبيره ، الذي أنتجه (موقع نافذة مصر) فى انتخابات الشورى الماضية ، والموقع يعيد عرضه من جديد مع توفر نفس الظروف السابقة ، وفى ظل أجواء تزوير فاضحة صاحبت بدايات التجديد النصفي لانتخابات مجلس الشورى الحاليه .