قالها عبدالفتاح السيسي صريحة، يوم السبت خلال احتفالية اتحاد القبائل التي دعا إليها عراب الصــهاينة إبراهيم العرجاني، وقال في كلمته: "اللي انتوا بتشوفوه دلوقتي من غير توضيح كتير كان تقريبا نفس الظروف اللي كنا بنعيشها في مصر بعد 1967".
وقال مراقبون إن استياء وغضب واسع أثاره السيسي، بعد تشبيهه الظروف الحالية في البلاد بفترة ما بعد نكسة يونيو 1967، في إشارة إلى "حرب الأيام الستة"، أو الاجتياح الصهيوني لسيناء.
حساب @sofianassaf قال: احنا فى نكسه من 52 مش 67 فقط بس بعد 67 كان فيه حرب استنزاف للمحتل احنا بقى بنعمل حفلات للمحتل وبنغنيله".
وأضاف محمود حسين @MahmoudHussien : "اللي عمله السيسي في البلد اسوء من نكسة 1967".
https://x.com/MahmoudHussien_/status/1850490979788169466
وساخرةً، قالت الشيماء @Shaima55shaima: "طالما قال نعيش أجواء ما بعد نكسة 1967 يبقى إحنا في حرب الإستنزاف ونصر أكتوبر على الأبواب ، نقلق بس لو قال إننا بنعيش أجواء ما قبل النكسة .. يا مرارك يا مصر".
المُعلم سمير قنديل مدرس الجغرافيا سابقا كتب عبر حساب @Samirkandeel313: "نكسة 67 كانت عسكرية .. أما ما نحن فيه فهو نكسة في جميع القطاعات .. التعليم والصحة والصناعة والإقتصاد و ...... إلخ وكله بسببك يا نحس يا فقر".
https://x.com/Samirkandeel313/status/1850234771886248149
وعبر هاشتاج #السيسي_خائن قال حساب (تيم المرابطون) @morabetoooon: "#السيسي_الخائن يعترف بأنه قاد مصر نحو هزيمة كنكسة 67، وقالها صريحة اليوم خلال احتفالية اتحاد القبائل .. هو فعلاً مش محتاج توضيح أنك خائن وأنك تقصد تسليم مقدرات #مصر للاحتلال .. إما مباشرة لهم أو عبر وسيطهم دويلة #الامارات ".
ولم يبد الحساب @morabetoooon أي تعجب لاسيما وأن من دعا للاحتفال أحد مكونات النكسة بعد اعتراف بل استمرار فكتب، ".. زعيم المليشيا إبراهيم العرجاني، اللي كان قبل سنوات بيقتل في ولادنا الجنود، بيدعو السيسي لاحتفالية فخمة بذكرى نصر أكتوبر، وفي عاصمة اتبنت عشان تكون مجرد ديكور على حساب مصر الحقيقية، القاهرة اللي بنعرفها.. هنحتفل بإيه؟ بنصر أكتوبر ولا بانتصار المليشيات على أحلام الناس واقتصادهم اللي اتدهور عشان مشاريع فارغة؟ العاصمة الإدارية بقت رمز للاستنزاف، والديون بقت بتحاصرنا من كل اتجاه.. المصريين شايفين أيام سودة، وفين مصر اللي كانت بتهتم بشعبها؟.. مين اللي بيحكم مصر فعلاً؟".
https://x.com/morabetoooon/status/1850174903288521093
استسلموا في الممر
ودعاهم حساب حدث بالفعل @7adasBelfe3l إلى الاستسلام مشيرا إلى أن: "فيلم "أغنية علي الممر" كان عن أحداث نكسة 1967، عن جنود محاصرين والعدو بيطالبهم بالانسحاب زي باقي القوات أو الاستسلام.. وكانت مهمتهم حماية الممر.. والقائد رفض ينسحب لأنه مش بياخد الأوامر من عدو. وقيادة الجيش مقدرتش توصل له أوامر الانسحاب لأن اللاسلكي عطلان.. الفيلم فسلفي ودرامي جدا".
