أثارت إحصائية نشرتها وزارة الزراعة تقول إن المصريون استهلكوا أكثر من 7 ملايين فرخة و161 ألف ذبيحة (عجال) خلال شهر رمضان 1446هـ، على مدار 30 يومًا.
وقالت ناشطة على فيسبوك إن هذه الإحصائية معناها أن أقل من ربع المصريين أكلوا ربع فرخة مرة واحدة في الشهر الفضيل.
وأن الإحصاء الواجب توفره هو 28 مليون ربع فرخة والمصريون 108 ملايين، غير الإخوة السودانين والسوريين وغيرهم.
وأن 161 ألف ذبيحة لو كلهم عجول * 120كيلو*10 قطعة للكيلو لو عملنا الضربية ده وقسمنها على 108 مليون مصري يعني كل مصرى أخد 3 قطع طول الشهر الفضيل.
وعلقت (هدى هدى) "ده قلة أدب.. ده.. حسبنا الله ونعم الوكيل وكفى".
وفي تفنيد مساوي علق (Nonty Coffre brand ) ، "وزارة الزراعة بتقول إن المصريون استهلكوا أكثر من 7 ملايين فرخة و161 ألف ذبيحة خلال رمضان.. يعنى على مدار 30 يوم .. لا ومش مكسوفين من نفسهم ".
وقلل نسبة الحساب واكتشف أن " 7 ملايين تتقسم علي 100مليون .. يعني نصيب الواحد 0.07 من الفرخة.. يعني الفرخة تتقسم علي 100 شخص.
ولو قلنا إن الفرخه 3 كيلو وده كتير بس ماشى علشان خاطر عمو بتاع الزراعه يبقى كل فرد 30 جرام فراخ طول الشهر يعنى جرام فراخ كل يوم ( يالهو بالى يانا ياما 🙄 )".
وعن "161 ألف ذبيحة على 100مليون.. بفرض الذبايح 80% عجول.. 20% خرفان .
والعجل 400 كيلو
يعني 51.520.000 كيلو لحمة قول 52 مليون
والخرفان 2.254.000 كيلو قول 3 ملايين
يعني 55 مليون كيلو تقسيم 100مليون
يعني نصيب الشخص 0.55 كيلو جرام لحمة
يعني نص كيلو تقريبًا طول الشهر يعنى حوالى 2 جرام لحمة كل يوم
ده الغنى الفاحش ده يا حكومه ياللى مدلعه الشعب و مهنياه وبدل ما يشكر الحكومه (على رأى وزير الصحه) على 3 جرام لحمه وفراخ كل يوم .. مش عاجبه ...
الباحث القانوني والناشط Islam Lotfy Shalaby علق قائلاً "الإحصائيات دي مفيدة جدًا للتاريخ وطبعًا للمحكمة؛ لأنه طال الزمن أم قصُر النظام ده لازم يتحاكم على ظلمه وإفقاره للمصريين.".
وأضاف "الإحصائية دي بتقول ببساطة إننا لو استبعدنا 50% من المصريين كأطفال أو نباتيين أو واخدين موقف من الدواجن، يبقى نصيب الفرد كان سُدس فرخة طوال الشهر!!".
