عبر سائقي التاكسي والميكروباص في مدينة شرم الشيخ عن آرائهم حول ما آلت إليه المدينة عقب حادث سقوط الطائرة الروسية في شمال سيناء، الأسبوع الماضي، والذي أودى بحياة 244 سائحًا روسيًا.
 
وقال علي عبد السلام سائق تاكسي:" حال البلد واقف، وحالة الإحباط مسيطرة على كل المصريين؛ لأنهم خايفين على رزقهم ومستقبلهم بعد ما "السواح" مشيوا وطفشوا من شرم الشيخ، ومفيش مسؤول واحد خرج يطمنهم ويقولهم إن دي أزمة وهتعدي".

وأضاف عصام محمود سائق تاكسي:"عدد الأجانب قَلّ بشكل كبير جدًا، وبقينا ندور على الزبون زي اللي بيدور في كوم قش، لغاية الساعة 5 مساء مركبش معايا غير أجنبي واحد وأداني 7 جنيه، رغم إن التوصيلة 10 جنيه، وقولت ماشي لآن مفيش بديل، ومفيش حركة والدخل تراجع، وأحوالنا وقفت، ومش عارفين الفترة الجايه هيكون شكلها ايه".

وأكد صابر أبو العزم سائق ميكروباص سياحي، أن حادث سقوط الطائرة الروسية ألقى بظلاله على حركة السياحة بشرم الشيخ، مضيفًا:" بقالي 7 أيام مطلعتش بالعربية طلعة واحدة، وكنت بنقل مجموعات سياحية لمنطقة السفاري بالهضبة، ودلوقتي طول نهاري قاعد على القهوة بانتظار الفرج، ومطلوب مني اقساط مش عارف هدبرها أزاي ومن فين".

وأردف خالد حسني صاحب سوبر ماركت بمنطقة ميدان الساعة:" عدد الأجانب قَلّ جدًا في شوارع شرم، وممكن بسبب الخوف خايفين يطلعوا بره الفنادق، مؤكدًا أنه يعمل مثل أي يوم".

مصر العربية