الشرقية :

نظم طلاب المرحلة الثانوية وقفة أمام مبنى المحافظة بالزقازيق بعد قرار المحافظ بوقف الدروس الخصوصية وحملته على مراكز تلك الدروس و تحميل المعلم المسئولية وراء تلك الدروس و تغريمه 50 الف وتشميع المكان و تحويله للشئون القانونية.

اعلن الطلاب عن رفضهم ذاك القرار الذي اعتبروه كارثة فوق رؤوسهم و ضياع لمستقبلهم موجهين رسالة لمحافظ الشرقية الانقلابي بانه عليه في البداية ان يهتم بالمدرسة و مواعيدها و كيفية الشرح فيها ثم ينطلق بعد ذلك لمحاربة ما يصفه بالدروس الخصوصية.

و قال أحد الطلاب المشاركين بالوقفة : " مش عارف السنة دي هنلاحق ايه و ﻻ ايه يعني نخلص م قرار ال 10 درجات يطلعلنا قرار وقف الدروس الخصوصية هيضيعونا الله يسامحهم " ، فيما قال آخر : " يا استاذ هو بس لو اهتم بالمدرسة و صلحها م جوه الاول و خلى الشرح فيها كويس و وقت الحصة كويس و عدد الفصل مناسب للتحصيل و ادى المدرس نصيبه اللي يكيفيه الموضوع هيتحل لوحده و كلنا هنرجع للمدرسة هيلاقي الكل رجع اصل احنا مش غاويين يعني ندفع فلوس و ﻻ المدرسين في الدروس غاويين تعب قلب و ضياع وقت منهم".

 و قالت طالبة : " احنا جينا النهاردة علشان نقول للمحافظ ان قرارك غلط و كفاية شو اعلامي على حساب مستقبلنا لو عاوز يشتغل خليه يشوف المجالس المخلية و المحسوبية اللي فيها و ﻻ يشوف مشاكل الصرف و يصلح الطرق و يشيل الزبالة و يحل ازمة المرور مش يتشطر على الغلابة اللي مش ليهم ضهر".

فيما ردد الطلاب في الوقفة عدة هتافات منددين بالقرار و المحافظ من بينها " يا كلية فينك فينك .. المحافظ بينا و بينك " " باطل .. قرار .. باطل "
أكد الطلاب أثناء الوقفة استمرارهم في الاحتجاج على القرار لحين وقف تنفيذه.