قالت عائشة، نجلة المهندس خيرت الشاطر نائب المرشد العام لجماعة الإخوان المسلمين، في تدوينة لها على حسابها الخاص على موقع التواصل الاجتماعي فيس بوك، تعليقا على هزلية المحكمة العسكرية التي جرت في قضية "خلية أبناء الشاطر"الملفقة، قالت : «النهاردة القاضي في المحكمة العسكرية بيعرض الأحراز بتاعة قضية خلية أبناء الشاطر، وجايب شاشة ومجهزين القاعة علشان نشوف بقى الأحراز الخطيرة، نبص نلاقيها أغلبها عبارة عن صور لشباب قاعدين بياكلوا في مطعم، أو صور لأطفال في بحر ومصيف وبيلعبوا، أو حفلة خطوبة واحد وواحدة عمالين يتصوروا مع بعض المعازيم والحفلة».

وتضيف ابنة الشاطر «تقعد تبص على القاضي وعضو اليمين والشمال وهما قاعدين يقلبوا الصور وبيبصوا باهتمام أوي، ومصدقين نفسهم ومش مكسوفين من محتوى الصور، والصور عمالة تتكرر نفسها ومش مكسوفين إن اللي عمالين يعيدوا يزيدوا فيه، ويقولك تكررت الصورة نفسها».

وتتابع «كان نفسي أقوم أقولهم: "وذات المسرحية الهزلية دي برضوا تكررت علينا تلات مرات، وبنشارك فيها مجبرين للمرة الثالثة بنفس فصولها الهابطة من أيام مبارك من غير أي تجديد حتى».

وتضيف «نفسي كنت أقوم أقوله: مش مكسوفين من اللي قاعدين تعملوه؟ مش كان أحسن للقوات المسلحة تروح تشوف حدود مصر ولاالجزر اللي عماله تتباع بدل ما هي قاعدة تتفرج على شوية صور؟!.. مش بدل ما خمس دبابات جايين مخصوص يأمنوا خيرت الشاطر وشوية شباب عزل، يروحوا يأمنوا مصر اللي عمالة تتباع وتتسرق وأنتم مشغولين أوي بقضية قايمة على شوية صور؟ طيب بلاش... أو حتى يروحوا يأمنوا الشعب بدل ما أمناء الشرطة عمال يقتلوا فيهم».

واختتمت الشاطر تدوينتها بهاشتاج «#المسرحية_ البايخة». والثاني «#القضاء _ العسكري _ سينما_محصلتش _مستوي _ثري _ دي_حتي».