نافذة مصر
نشر عدد من النشطاء تساؤلات وإجابات عن أسئلة تساءلها الكثير من السياسيين ومنها لماذا لم يظهر البرادعي وحمدين ويعلنوا مواقفهم من قرار المحكمة الدستورية بالسماح للجيش والشرطة بالتصويت في الانتخابات وكانت الإجابات كتالي:
اهم سبب ان مصلحة البلد مش في حساباتهم ... ولذلك هم محتارين بين نارين:
النار الاولي : انهم عاوزين يرفضوا من الصبح لكن طبعا ده موقف هيضرب حلفائهم فى المحكمة الدستورية وهيشق التحالف وهيعتبر فى الوقت الحساس ده خدمه للاخوان فى تطهير القضاء وقانون السلطة القضائية.
النار الثانية : انهم خايفين الشوري يوافق على مقترح الدستورية للاسباب الآتية
مؤسسة الجيش كلها غضب من التيار الليبرالي بسبب مواقفهم ايام المجلس العسكري وضربهم وقتلهم فى الجنود وتحريض الشعب عليهم فى ماسبيرو ومجلس الوزراء.
مؤسسة الجيش فطنت لمحاولاتهم التحريضيه لعمل فتنه وفخ بين التيارات الاسلامية وبين الجيش وكانت ممكن توصل لنزاع مسلح لو استجابلهم الجيش وحاول عزل مرسي.
غالبية اعضاء الجيش متعلمين وواعين للمؤامرات اللى بتدبر للجيش وكتلتهم التصويتيه هتكون وللاسباب الثلاثة السابقة ضد التيار التيار المدني.
وبالتالى هم بين نارين .لو رفضوا يبقى هيقفووا موقف الاخوان فى قانون اصلاح السلطه القضائية وبيضربوا حلفائهم فى القضاء ... ولو قبلوا يبقى هيخسروا اعداد كبيره هتروح لمنافسيهم فى الانتخابات.
اما مصلحة مصر ومستقبلها فمش فى حساباتهم . ولذلك هتلاقيهم مش عارفين يقبلوا ولا يرفضوا
