تداول نشطاء على مواقع التواصل الاجتماعي صورا لعدد من الوحدات السكنية المخصصة لمحدودي ولمتوسطي الدخل في دولة أنجولا .

وأظهرت الصور رقيًا معماريًا وخطيط عمراني أثار إنبهار المصريين الذين بدأوا في المقارنة بين الوضع في أنجولا والوضع في مصر .

وقال أحد المصريين:" ايه ياعم احنا عندنا في مصر احسن منها اينعم عالطوب الاحمر ومفيهاش مجاري وميه وكهرباء بس حنشطبها بعون الله " .. وقال آخر: "ماشي بس انجولا معندهاش سبع تلاف سنة حضارة ولا اهرامات زيينا وبعدين هي الحكومة هتعمل ايه ولا ايه والرئيس ربنا يكرمة هيعمل ايه ولا ايه" .. وقال ثالث: "الصومال وانجلولا والسودان والبلاد دي اللي كنا بنتريق عليها بقوا أحسن مننا".

بينما واجه آخرون الصور بتعليقات ظهر فيها الحزن واليأس حيث قال احدهم : "والله حرم إلى بيحصل في البلد" وقال آخر : " الواحد يقول ايه بس ؟ يسكت احسن" .. وقال اخر: " انا جبت اخرى وربنا" .. بينما علق احدهم على الصور قائلًا: "انا بكيت لما شوفت الصورة دي .. بكيت على الحال اللي وصلنا له في مصر" .

فيما علق احد المصريين المقيمين بأنجولا قائلًا: "انا في انجولا وقاعد في العاصمة لواندا . وفي اماكن ارقى من كده والايجار رخيص مقارنة بمصر".