وجه متخصصون وتربويون عدة نصائح للأسر بشكل عام في التعامل مع أطفالها حيال واقعة الاعتداء الجنسي فضلا عن نصائح لمنع حدوث هذه الجريمة مع أطفالنا معتبرين أن أهمية حادثة الطفل ياسين من البحيرة والذي اعتدى عليه مجرم اعتاد الإجرام استغل حماية ما في مواصلة جرائمه وما خفي منها أعظم بسبب خطأ بعض الأسر في التكتم وعدم مفاتحة الأمر سواء مع الطفل أو المجتمع..
وتوجه (شوشت مجدي) عبر منصة فيسبوك تأكيدا أن "الطفل لا يختلق واقعة اعتداء جنسي" ولهذا أصدرت المحكم حكما بالمؤبد على المجرم .
وقالت: "بالعكس .. ده بيحصل له اعتداء جنسي وبيخاف يقول وبيحس بحرج حتى من غير تهديد .. وممكن يختلق واقعة هابلة عشان يبعد عن المعتدي من غير ما يضطر يشرح انه تم الاعتداء عليه جنسيا.. وعشان كده بنقول اول ما الطفل يقول انا مش عايز اروح المكان الفلاني او انا مش عايز فلان يجي لنا تاني .. ".
وطالبت أنه "فورا نقوله حاضر اوعدك ان ده مش حيحصل بس ممكن اعرف ايه اللي حصل؟ .. وساعده يتكلم عشان هو ممكن يقولك كده انا مش بحبه.. اصله زعق لي .. اصله ضربني .. اصله اكل الشوكولاتة بتاعتي.. ده كذب الاطفال ".
وعن طريقة المفاتحة أشارت إلى أنه "وما تتحرجش تسأله: هل مد ايده على جسمك؟ هل قرب منك بطريقة ما تعجبكش.. ممكن في الاول من الاحراج يقول لا .. سيبه شوية وارجع له تاني.. لكن اول ما ينطق يبقى خلاص هو ده اللي حصل فعلا انشالله يكون بيقولك كده على ابوك نفسه.. هو مش حيكدب ابدا في حاجة كده هو لو حيكدب عشان يخبيها مش يقولها.. اذا انت الشحط لو اتعرضت لحاجة كده بتعاني عشان تقول".
وأضافت "واي مكان الطفل مش عايز يروحه ما يروحوش .. واي شخص الطفل مش عايز يقابله ما يقابلوش .. ومن اول ما يعقل تقوله الحتة دي والحتة دي اسمها الاماكن الخاصة محدش ييجي ناحيتهم غير ماما عشان تحميك.. ويالا نقعد كلنا نقرر العيال كل يوم.. وربنا يستر ".
وضمن دعائها للطفل المعتدي عليه، قالت: "يا رب تكبر وتسعد وتتهنى وتبقى احسن واحد في الدنيا ويشفي قلبك برجعة حقك " أما رسالتها للصامتين فقالت: "والاهالي اللي سكتوا انتوا خذلتوا عيالكم وكسرتوا نفسهم ودمرتوهم ومفيش حاجة حتعوضهم".
16 نصيحة
حساب ناصح أمين على فيسبوك قال "⬅️للتوعيه عشان اللي حصل مع الطفل ياسين ميتكررش تاني .. في حاجه اسمها التربيه الجنسيه للاطفال …"، ونشر منها قواعد عامه اشار إلى ضرورة التأهيل الأولي للتعامل "مع العالم الخارجي".
◀️١- الطفل وهو بيبي الام بس اللي تغيرله …
◀️٢- التغير فى باب مقفول حتي لو مفيش حد …
◀️٣- ممنوع تغير قدام حد او مكان مفتوح…
◀️٤- لو الام مش موجوده الجده اللي تغيرو وبردو فى مكان مقفول
◀️٥-من سن سنه ونص الطفل يبدء يشطف نفسه الام تعلمه
◀️٦-مرحله البوتى ترينج لازم التواليت يبقي مقفول
◀️٧- تبدء تقول عيب لما يجي الطفل يرفع هدومه او يغير قدام حد او يستحمي ولازم يتعود الباب يترد عليه
◀️٨-ممنوع التقبيل من الفم منعا باتا حتي للاب والام
◀️٩- مفيش حاجه اسمها طفل يقعد على رجل حد
◀️١٠-اول الطفل مايتكلم ويدرك هنعيد عليه يوميا من السره للركبه دي منطقه خاصه بيك انت وبس مينفعش حد يشوفها ولاحتي بابا وماما ومينفعش نشوفها عند حد حرام..
◀️١١-نربى الطفل ان لو حد عاوز يلمس المنطقه دى يقوله لاء حرام بصوت عالي ..ولو مسمعش الكلام نصرخ ونزعق جدا ونقول لماما وبابا
◀️١٣-ممنوع منعانا باتا الاخوات يستحموا مع بعض من غير مايوه
◀️١٤-مافيش حاجه اسمها أغصب ابني او بنتي يبوس فلان عشان ضيف السلام اساسا بالايد مافيش حاجه اسمها بوس بالعافيه
◀️١٥-طبعا التفريق فى المضاجع لازم يبقا للطفل سرير لوحده ومن وهو صغير مينمش مع الاب والام …وطبعا مينفعش الاخوات ينامو جنب بعض …ايا كان عمرهم حتي لو نفس النوع …ولو الحال كان ضيق ولازم ينامو جنب بعض يبقا كل واحد غطا لوحده
◀️١٦-اهم نقطه هي الاب والام دول الأساس بيجبرو اولادهم على الطاعه العمياء علي انهم يسمعوا الكلام من غير ما يفهموا الاسباب او يضربوهم ويجبروهم على سماع الكلام ولو اعترض بيزودواالضرب
وأى أنه "مع الاسف انتوا كدا بتسلموااولادكم لاى متحرش .. ادو مساحه ليهم يعترضواويدافعوا عن حقهم.. ادو مساحه ليهم امان يشتكو وتنصفوهم .. ".
وأشار إلى أن الأصل تعويد "الطفل من الصغر بيربي حياء وبيعرف حقوقه وانه مش مباح لأى حد .. وانه كيان وله حريه الاعتراض
https://www.facebook.com/photo/?fbid=1940648770037534&set=a.350866569015770
