أعلن المحامي والحقوقي "طارق العوضي" اعتقال كافة أعضاء فرقة "أطفال الشوارع" التي ظهرت قبل أشهر واشتهرت بتقديم عدد من الفيديوهات الساخرة.
وكان "محمد عادل" - الذي يُعرف بأنه قائد الفريق - قد علّق قبل يومين تقريبًا على القبض على زميله "عز الدين خالد" قائلًا :
مش هأقول أننا متفاجئين .. لاننا كنا عارفين تقريبًا أن في حاجة هتحصل.عارف أن في ناس كتير عمالة بتلومنا و بتلومني شخصيًا بما أني كنت بزق الفريق ده دايمًا أنه يعمل حاجات أكثر.
قعدنا من يومين قبل آخر فيديو وقلنا (مش عاوزين لما نكبر نفتكر نفسنا و نفتكرها أنها كانت جبانة).
نفوسنا مش جبانة بس يمكن اللي بيحصل يكون أكبر مننا شوية .. الملف على مكتب وزير الداخلية .. احنا الستة مطلوبين .. خمسة هربانين و اصغر واحد فينا واللي عنده السكر مقبوض عليه.
اتكلمت مع الشباب امبارح و يمكن محدش ندمان أننا وصلنا هنا لكن يمكن خايفين من المستقبل .. مصر مخيفة أوي .. مكنش ينفع منوصلش للمرحلة دي .. عمرنا بيتغير قدام عينينا .. بس مصر مصرة متتغيرش .. عارف أننا نكرات في مسار الأحداث .. لكن حياة الست نكرات دي اليومين دول بتتشكل .. أو يمكن بتنتهي .. واحد بيفكر ينتحر و اثنين مبيفكروش غير ف (....) والباقي حتي مصدوم" .
مصر بقت فعلًا مخيفة .. مش قادر أكتب (الحرية لعز) وانا أكتر واحد مش مصدق أنه هيطلع .. احنا كمان مش هنفضل بره كتير .. الموضوع صعب .. كل اللي اقدر اقوله ف الآخر .. متخافوش برا .. واحنا مش هنخاف جوا.
وعقب تلك التدوينة بنحو 48 ساعة تم اعتقال كاتبها وبقية أعضاء الفريق وسوف يعرضون على النيابة صباح اليوم.
