أثارت محادثة صوتية منسوبة للرئيس جمال عبد الناصر مع الزعيم الليبي الراحل معمر القذافي تم تداولها على وسائل التواصل الاجتماعي جدلا واسعا حول الدور المخفي لمحاربة القضية الفلسطينية، لزعماؤ ورؤساء وملوك العرب. وتضمن المحادثة الصوتية التي يعود تاريخها إلى 4 أغسطس 1970،الدور الانبطاحي لعبد الناصر هو والحكومات العربية والمنظمة الفلسطينية بسبب “مزايداتها” الوهمية في العلن على القضية الفلسطينية وظهور دور انبطاحي لعبدالناصر صاحب الخطب العنترية الذي فضل الحلول السلمية بدلا من الحرب الشاملة ضد إسرائيل. وهنا نص المحادثة التي جمعت بين الرئيس المصري جمال عبد الناصر والزعيم الليبي معمر القذافي في 3 اغسطس 1970 جمال عبد الناصر: اذا كان حد عايز يكافح ما يكافح .. واذا كان حد عايز يناضل .. ما يناضل .. لكن النهارده بيقولوا يا فلسطين كلها من النهر الى البحر .. يا مش كلها. معنى والله الكلام اللي بيقولوه العراقيين النهارده ان احنا بندي الضفة الغربية والقدس وغزه لليهود .. وفي خلال سنة او سنتين .. كل المناطق دي بتتهود ولا يرجعوا. اقرا كلام مناحم بيجن النهارده طالع بيهاجم .. خطبتهم امبارح .. ان ده تنازل عن ارض اسرائيل واذا قبلت الحكومه باي انسحاب معناها خيانه و و و.. معركة في داخل اسرائيل بعدين امريكا بتساند اسرائيل بفلوسها وباسلحتها .. هيحررو ازاي؟ وبعدين كيف سيحر العراق (فلسطين) وميزانيته 70 مليون جنيه .. بتاع القوات المسلحة .. مش ممكن! اسرائيل مشترية السنة اللي فاتت أسلحة ب 400 مليون جنيه .. اللي اعُلن (من المشتريات) في يوم واحد. الحقيقة .. يعني كان كان يكون اسهل لي يا أخ معمر وا .. يعني اوعى تفتكر ان انا مثلا قبلت هذا القرار لمكسب شخص .. انا عارف ما هو ده ممكن الفدائيين يجوا يقتلوني يعني حد من الفلسطينيين في هذا الموضوع.. بقول لك ..هذا العملية حقيقة لانهم بيقول عبد الناصر خان وسلم في قضية فلسطين ومش فاهم ايه .. ممكن ناس حتى مصريين يقبلوا هذا الكلام ويحصل .. وانا عارف انا بعمل ايه .. بس ايه يعني انا مقتنع في الكلام اللي انت قلتوا. والعراقيين ممكن يحرضوا ناس يقول لهم عبد الناصر خان القضيه وسلم في فلسطين واعترف بوجود اسرائيل وبتاع زي الكلام اللي قاله لكم حردان.. قطعا حردان جا عندكم وقال هذا الكلام كله هيقولوا للناس قده 100 مره .. وممكن يطلع عن هذا واحد بيطلع … بيعتبر عبد الناصر انه خان زي 54 ك.. زي ما قالوا في أنني في اتفاقية الجلاء مع الانجليز ان انا خنت لان اديتهم حق بالاحتفاظ بقاعدة سبع سنين … وطلع واحد ضربني بالرصاص. ويوميها وقف محمد نجيب ضد الاتفاقية و وناس ضد الاتفاقية وفي سياسين وقفوا ضد الاتفاقية .. بس العملية نظام الانجليز ماشيين من البلد .. هنا بقى الموضوع الشخصي ما يهم ابدا .. الحقيقة يعني لو الموضوع مكسب شخصي .. سهل قوي كنت اعمل زي العراقيين .. اليهود في سيناء ما هيقدروا ياخدوا منها شيء .. الضفة الغربية .. يعني في اكثر من مليون موجود في الضفة الغربية .. بينتهوا .. يعني والارض العربية اللي هي موجوده في القدس وطولكرم والخليل ونابلس وبيت لحم وكل الكلام ده .. كل ده بيروح .. وكلام الاسرائيليين .. انا بقرا تصريحات الاسرائيليين .. عايزين الارض هم دي بيعتبروها وطنهم .. مش ارض محتلة .. ووقف وايزمن وقال ما نقدر نقول دي ارض محتلة دي ارضنا .. وان اللي بيقولوا ارض محتلة دول كذا دول كذا وكذا … طيب بنقول بقى هنحرر .. هيحصل زي 48 لا هنحرر ولا هنعمل .. متاسف يعني بقول هذا الكلام مرير مين هيحرر .. مين هيحرر ده الضفة الغربية.. معنى هذا ان احنا بندي بقية فلسطين لليهود .. هل هذا هو المطلوب؟ ورغم هذا برضو بدي اقول ان الحل السلمي بعيد المنال.. يعني لازم يكون فيه موقف دولي خطير .. مش قوتنا احنا الذاتية .. موقف دولي خطير يدفع امريكا الى انها تضغط على اسرائيل لان امريكا هي اللي في أيدها الموضوع .. اذا ارادت حصل .. تضغط على اسرائيل عشان تنسحب .. هذا هو الموضوع الحقيقة بوضوح .. لكن اسهل .. القذافي: لكن انسحاب بدون مقابل ما اعتقد يحصل جمال عبد الناصر: طب ما هم اليهود بيقولوا ان احنا هننسحب .. هندي حاجات مادية.. قصاد كلام .. ما هو المقابل هيكون ايه هنا .. يعني ماذا تقصد المقابل .. الاعتراف باسرائيل.. القذافي: والمقابل هذا ما يحصل هذا تفرضه في الدول الكبرى؟ جمال عبد الناصر: اللي هو ايه القذافي: يفرضوه علينا فرضا اللي .. جمال عبد الناصر: اللي هو ايه .. التنازل القذافي: بس ما يكونش فيه جيش من القناه الشرق.. جمال عبد الناصر: لا لا لن نقبل .. لا لا تستطيع ان تفرض .. ما انا قلت هذا الكلام امبارح .. لن نقبل القذافي: ان اسرائيل تمر مع قناه السويس وتمر.. جمال عبد الناصر: لا موجود في قرار في مجلس الامن ان اسرائيل هتمر في قناة السويس وهتمر في خليج العقبة.. ده موضوع موجود .. ولكن موجود ايضا في مجلس الامن ان حل عادل لمشكلة
ة ا
للاجئين الفلسطينيين.. وقرارات الامم المتحدة .. القذافي: الضفة الغربية تكون منزوعة السلاح .. جمال عبد الناصر: الضفة الغربية هناك .. انا .. لو انا الملك حسين هوافق.. يعني .. لو انا من الملك حسين ويرجعوا لي الضفة الغربية.. ويقولوا انهم يرجعوها بناسها.. بحالها بالكلام ده منزوعة السلاح .. حوافق .. هيرجعها ازاي الملك حسين؟! القذافي: الناس كيف يعودوا.. الفلسطينيين كيف يعودوا؟ .. يعودوا زي العرب اللي الان تحت ال .. المناطق المحتلة بالضبط .. حيعاملوهم نفس المعاملة .. مافيش حد يعامل مرضيا .. يعني السلطة.. بتعامل ناس واقعين تحت.. جمال عبد الناصر: طيب .. ما انا موافقك على هذا.. ما الحل .. هتقول انك .. ان حل القذافي: الحل لما احنا نكون هو هذا تحدي مفروض علينا لابد ان نواجهه اييه .. لما احنا نزيل العدوان او ان العدوان يزيلنا لان احنا ما عندناش مقاومات البقاء .. وفي النهاية حالة الصدام مصيري لهذا الشكل احنا بقول معركة مصيرية هي فعلا … جمال عبد الناصر: طب اذا كان في فرصه لازالة العدوان من مناطق 67 ليه اسيبها .. القذافي: هي يا ريت تزول زي ما احنا عاوزينها لكن حتزول بالحاجات اللي احنا حكينا عليها .. حيكون له مقابل .. والمقابل يفرض علينا فرض .. ولن يكون المقابل هدايا في.. جمال عبد الناصر: طيب انا.. انا ماشي معاك في هذا.. المقابل اذا ما حصلش ده المقابل هيحصل ايه .. القذافي: اذا بيحصل حرب يعني اذا الحرب مادام في حتمية من الان نعمل عليها .. جمال عبد الناصر: امتى .. حتحارب امتى وهنجيب سلاح منين .. القذافي: وهذا اللي كنا عشان نجتمع فيه اليوم .. ونتناقش فيه .. جمال عبد الناصر: انا عارف القذافي: كيف نحارب كيف اندمر .. جمال عبد الناصر: واحارب ازاي؟ .. واسرائيل هتجيب سلاح منين؟ وانا هجيب فلوس منين؟.. طب .. يسيبونا نطلع احنا من المؤتمر .. نمشي احنا من المؤتمر .. واتفضلوا انتم اعملوا انتم والعراق وسوريا واليمن الجنوبية والجزائر … القذافي: يضحك جمال عبد الناصر: والجزائر .. ما اليمن الجنوبية مطلعين بيان ان هم بيرفضوا قرار مجلس الامن .. والكفاح الى .. امبارح هم دول .. جورج حبش .. احنا سيبونا .. احنا ناس استسلاميين وانهزاميين وكذا وحناروح مؤتمر عايزين قتال وتحرير اللي عايزين قتال والتحرير اتفضلوا.. الجزائر عايزة قتال وتحرير اهلا .. انتم عايزين قتال وتحرير اتفضلو .. العراق عايزة قتال وتحرير وسوريا وجورج حبش وياسر عرفات وقحطان الشعبي ولا ما بعرفش ربيع .. سالم ربيع .. اتفضلوا واجتمعوا .. واحنا هنقاطع الاجتماعات كلها وحاربوا .. وانا مستعد اديكم 50 مليون جنيه عشان تحاربوا .. عايزين ايه اكتر من كده .. وحلوا عننا .. واحنا .. واحنا الانهزاميين .. (صوت ضيف غير واضح) جمال عبد الناصر: والله احنا نمشي المؤتمر .. وفوزي يبعد عن .. سيبونا احنا في جبهتنا الغربية وسيناء .. والباقيين كلهم يتفضلوا بتاعتهم .. مقاطعة جمال عبد الناصر: أكيد في الجبهة الشرقية .. وهناك .. والمساعدات اللي انا عايزها .. بس ما عدا .. ما عدا الناس .. مش مستعد ادي ناس .. اللي عايزينه من عندي اديه لكن ناس ما اقدرش .. لان ما الناس ايه كل واحد ده انا كل واحد انتم عارفين .. كل واحد بيبقى مشغول على ابنه وعلى اولاده .. هم بيخططوا دلوقتي مع … عشان يعملوا انقلاب في الاردن.. يا ريت يا هم والفدائيين يا ريت الفدائين ياخدوا المسؤولية في الاردن .. يعني طبعا هيدخلوا في الصدام مع الملك حسين .. لكن اذا خدوا السلطة بيبقوا ناس بيقابلوا الحقيقة مسؤوليات قدامهم مسؤوليات هيحرروا الضفة الغربية ازاي؟ .. يعني الحقيقة انا مشكلتي ان انا عايز احرر الضفة الغربية.. بنرجع الارض اللي فقدناها 67 وبعدين نبقى نشتغل عشان نرجع الارض اللي فقدناها سنه 48 … اما يقول لي دلوقتي يقولوا نرجع 67 و48 مرة واحدة… يا ما نرجعش .. القذافي: هو تصور ان يعني استرجاع الارض التي فقدانها في 67 .. استرجاعها يخلق وضع لا يمكننا من استرجاع اي ارض بعديها .. جمال عبد الناصر: سنة 49 ما احنا عملنا اتفاقية هدنة يا أخ معمر.. زي الكلام اللي اللي احنا بنقوله النهارده .. يعني اذا كان في عمل الحقيقة فدائي حقيقي زي اللي موجود القذافي: لا ما فيش عمل فدائي جمال عبد الناصر: عايزين احنا اللي نحارب .. احنا اللي نسترد القذافي: (كلام غير واضح) جمال عبد الناصر: احنا اللي هنسترد بتاع 48 القذافي: كلنا احنا العرب يعني ..للخطر هذانا جمال عبد الناصر: امتى العرب يكونوا مستعدين يحاربوا يا أخ معمر.. القذافي: ما هو احنا بنتكلم عن استعدادات العرب جمال عبد الناصر: بعد سنوات يعني مش بعد شهور .. الموضوع اصل حسابه بسيط .. عشان نوصل لتل ابيب قصاد كل الدول الكبرى وقصاد امريكا وقصاد روسيا وقصاد فرنسا وقصاد انجلترا وقصاد العالم كله .. اللي بيقول النهارده اسرائيل يجب ان تحتفظ بهذه الارض لان اسرائيل مهددة بالعدو
ان من العرب وان ده بيديها امن .. ده موقف دولي .. هتحارب الدنيا كلها في هذا .. الا القذافي: وماله .. كان نحارب الدنيا كلها .. وخلاص اذا احنا مش قادرين على البقعه جمال عبد الناصر: لا والله اليهود اشطر مننا .. اليهود خططوا على 25 سنة خدوا فلسطين كلها .. مش من 47 خدوا التقسيم و48 خدوا اكتر من التقسيم و56 خدوا سينها وضموها ورجعوها لنا تاني و67 خدوا … 56 ضموا سينا قرار من البرلمان و67 خدوا بقية فلسطين كلها وبيقولوا الجيل الجاي لازم نكمل وناخد من النيل الى الفرات .. احنا بنتصور برض كعرب كمان نقول يا نعمل النهارده يا نعمل دلوقتي يا يبقى ما فيش فايدة.. احنا بنقعد نخطط .. انا رايي دلوقتي لو قدرنا ناخد الجزء ده نخدوا بصرف النظر .. وبعدين بنخلق مواقف بنسترد الباقي .. لكن دلوقتي كنت هتحرر تل ابيب .. هتحرر كيف تحرر تل ابيب .. اليهود متفوقين علينا يعني احب اقول لك هذا .. متفوقين برا علينا ومتفوقين جو علينا .. رغم كل ما عملناه ورغم كل ما صرفناه.. حتى في الدبابات متفوقين علينا .. في الطيران متفوقين علينا .. في المدفعية غيروا جميع المدفعية بتاعتهم الى مدفعية ذاتية الحركة .. انا مش مش بقول هذا الكلام لان انهزامي .. انا بقول ان احنا اذا كنا عايزين نحقق هدف لازم نكون واقعيين وهنحققه ازاي .. اذا كان تحقيقه القذافي: احنا نحشد القوه العسكريه جمال عبد الناصر: طب ما تحشدوا حد مانع حشد القوة.. انا مانع حد انه يحشد قوته العسكرية .. انا منعت (الرئيس الجزائري) بومدين من انه يحشد قوته العسكرية؟ .. من 67 وهو قاعد يتكلم .. انا منعت العراق من انها تحشد قوتها العسكرية؟.. ما حدش منع حد .. فين .. ما هم قوتين عسكريتين اللي ممكن يحشدوا هم العراق وهم وال ممكن يصرفوا ويعملوا دلوقتي .. يعني ايه احشد هذه القوات .. ادونة 16 طيارة .. انا مش عايز طيارات .. انا انا قلت لبومدين أنا مش عايز طيارات .. قلت له في الاجتماع انا عايز طيارين … لان انا في في مؤتمر الرباط قلت لهم انا عايز فلوس وعايز طيارين.. عايز فلوس اشتري اسلح عندي تعاقدات ادفع 25 مليون .. وعندي طيارات عايز لها طيارين قال ما بيقدر يديني الطيارين .. ما رحنا بعد كده الاتحاد السوفيتي ادونا الطيارين .. الطائرات اللي هي الميج 21 اللي هي اف 13 اللي .. هم قالوا هيدونا 40 أدونا 16 … انت عارف احنا خسرانين كم طياره من … انا ايه قلت لك .. من ال من 67 ها .. 102 في التدريب وفي المعركة.. هو في استنزاف من جانب واحد ما فيش استنزاف من جانب واحد ابدا يا أخ معمر؟.. لا في في استنزاف .. واستنزاف مضاد … انا اما اجي استنزفك النهارده … انا انا جارك اما اجي استنزفك … انت كمان لازم على طول تقول انك هتستنزفني .. احنا ما اخدنا قرار الاستنزاف عارفين ان اليهود حيعملوا لنا استنزاف مضاد وقعدنا حسبنا وقلنا ان احنا نقبل في الاستنزاف المضاد الى الاتي … 10 مصريين قصاد عسكري نخرج … وده معناه احنا كسبانين … لو نموت واحد يهودي هم حيموتولنا 10 مصريين راضيين بهذا … يعني ما اظنش حد في الدنيا بيضحي بهذا الشكل … لكن كان ممكن اقعد زي العراقيين وما فيهاش وقفه اطلاق نار … وهم يعني كلهم اشتكوا من ال القتلى اللي حصلوا عدد القتلى والجرحى في جبهة القناه .. يعني ايه الحقيقة العملية الكلام قد يكون الكلام سهل جدا … وان احنا نحشد قوتنا سهل جدا .. وان احنا واحنا من سنه 48 بنتكلم في هذا الكلام … من سنه 52 يعني انا مش اول مره ما حد حشد ولا حد عمل ولا حد سوى … يعني انا عندي اقتراح الحقيقة و وتروحوا بغداد يمكن يبسط العراقيين ا وجربوا… احنا بنبعد عن العمليه … سيبونا احنا بتوع الحل السلمي الاستسلامي.. وانا قادر ان انا يعني اتحمل هذا وضميري مرتاح .. اتفضلوا الناس اللي عايزين يحاربوا .. سوريا عايزة تحارب … واسمه ايه ده ياسر عرفات وجورج حبش ونايف الحواتمة تجيبوهم واحمد حسن تجبوه وسالم ربيع تجيبوه .. وانتم عايزين تقاتلوا ..وتروح ايضا الجزائر تجيب بومدين يجي يقاتل … واحنا احنا مش انتوا بتقولوا دي معركه عربيه ومش فاهم لا يحق لاي واحد … احنا لن نتصرف في اي شيء واحنا هنتفق مع في الاتفاق مع (يارنج) نتكلم على سيناء بس.. ليس لنا دخل في القضية الفلسطينية … ولا في الحدود الآمنة .. ولا في اي شيء .. هنتكلم عن سيناء بس اتفضلوا هم يمشوا من سيناء والحدود … مش عايز اتفاق .. لان هم بيقولوا ان مالهمش مشاكل معاه .. وا يشتغلوا .. المساعدة اللي انتم عايزينها مننا احنا مستعدين نقدمها … يعني ايه … القاه في اليم وقال له اياك اياك ان تبتلى بالماء … يعني تمسكونا وترمونا في البحر وتقولوا لنا ما تتبلوش … يعني مين يقبل ا يعني … ما هو دلوقتي الموقف بهذا الشكل يعني … القاه في اليم وقال له اياك اياك ان تبتل بالماء … احنا الوحيدين اللي بنحارب وبتقولوا لنا اتفضلوا حربوا… وتحاربوا اليهود ويضربوا فيكم بس انتوا يا احنا كمان نحاربكم مع اليهود هو ا … يعني ده اقتراح بتروح بيه بغداد .. وبغداد
انتوا اديتوهم فرصة بالمؤتمر .. الحقيقه .. انهم يطلعوا بيانهم امبارح .. ومع مروحك لبغداد حيديهم فرصة تانية .. وانا مش هسيبهم برضة .. لان هرد عليهم اكثر واكثر … يعني بعد ما تروح هيقولوا اي كلام ان انك رحت وانهم هم مش فاهم عملوا ايه وايه وحينغزونا ومش حسيبهم.. يعني وانا … الحقيقه.. يعني لازم هشتغل ضدهم .. وانا بشتغل ضدهم القذافي: انا اول واحد ما ما نحبب الموقف الجامد اللي في المنطقة العربية ولقاء المتناقضات والصف العربي https://x.com/ZaidBenjamin5/status/1916678789964399014
