ضمن سيل من الشركات الإماراتية العاملة في مصر، دأبت شركة (Dubai Phone stores) على الغش التجاري وخداع الزبائن بحسومات وتحفيضات غير مسبوقة! ضمن سياق الوهم والاحتيال.
وقال عبدالله الفولي في منشور طويل عبر Abdallah El Fouly على فيسبوك إن الشركة وشركة أخرى (حالا) ليس لديهم "..مانع أخلاقي تتلاعب بالناس بعروض وهمية عشان تعملوا تسويق فارغ، بس تمام دا اختياركم ..".
وأضاف "كمان جهلكم مسوحكم في استراتيجيات رخيصة تطعن في مصداقيتكم وتقلل من ثقتنا فيكم، لكن برضو تمام دا اختياركم وقادر افهمه .. اللي مش قادر افهمه؛ ليه الحكومة سايباكم؟ .. فين جهاز حماية المستهلك المصري؟ ".
وكشف الفولي أنه بعدما تناول الشركتين فقد قامتا (شركتي "دبي فون"و"شركة حالاً") بحذف الإشارة لهما "mention" في المنشور معللا ذلك فيما يبدو أنه ".. بدل ما يدخلوا يعملوا كومنت توضيح محترم او بيان اعتذار للأسف المشكلة في الدماغ والفكر مش في الموقف والله على رأي القرموطي امسحلنا ال mention "...
ساعات النصب
وشارك Abdallah El Fouly منشوره مع حساب Dubai Phone stores بمدينة 6 أكتوبر -الجيزة، الذي حذفته لاحقا وقال:
النهارده قضيت 3 ساعات في وصلة جديدة من المسخرة والخداع والغش التجاري، وبعد انتظار طويل في الطابور أخيراً وصلت ..
- مساء الخير انا جاي استفيد من عرض خصم الـ 50%
بس ايه الزحمة دي؟
= أهلاً بحضرتك، فعلاً النهارده فروعنا كلها زحمة عشان العرض،
بطاقتك لو سمحت ..
- اتفضل البطاقة، عاملين انتو إعلانات جامدة ع السوشيال ميديا وفي كل مكان ..
= احنا تحت أمرك يا فندم
- ممكن تفهمني اكتر تفاصيل العرض؟
= عاملين خصم 50% على كل الموبايلات واللاب توب، تقسيط 24 شهر، بدون مصروفات إدارية، بدون مقدم.
- فعلاً عرض جامد جداً، طيب والفوايد كام؟ لأني اتصلت بالكول سنتر و اتواصلت مع صفحة فيسبوك، لكن قالولي ممنوع يقولوا الفوايد كام إلا في الفرع!
= الفوايد 100% يا فندم
- حضرتك بتهزر صح؟
= لا والله بجد 50% على السنة الأولى و 50% على السنة التانيه
- معلش فهمني اكتر ..
= يعني حضرتك بتسأل عن Iphone 15 Pro Max دا سعره عندي بـ 66,000 جنيه حضرتك هتاخده بسعر 33,000 جنيه
- ممتااااز دا عرض هايل
= بس حضرتك هتدفع عليهم فوايد 33,000 جنيه، يعني يكون واقف عليك بـ 66,000 جنيه ..
- الله! طب وانا كده استفدت ايه؟
= استفدت ان حضرتك اخدت الموبايل تقسيط على 24 شهر بدون فوايد
- طيب ما تقولوا ان العرض "تقسيط على 24 شهر بدون فوايد"
الموظف يبتسم ..
- تعرف ان الموبايل دا بـ 58,000 جنيه في كل مكان وهنا بـ 66,000 جنيه يعني اصلاً فيه 8,000 جنيه زيادة عن سعر السوق! يعني 14% كأنها فوائد تقسيط بالظبط، صح ولا ايه؟
الموظف يبتسم ..
- ليه يا مصطفى تخلوني اسيب شغلي واجيلكو المشوار دا في الزحمة وانتظر كل الوقت دا عشان عرض وهمي؟ ليه مش سالكين يا حبيبي؟
أين الدولة؟
وقال "الفولي": ".. الاقتصاد الخايب مراية صادقة للسوق الخايب، وعدم الرقابة أحد أهم مظاهر السوق الخايب. شوفوا مثلاً الاحترام والمهنية في قواعد "وكالة وزارة التجارة السعودية لحماية المستهلك"، قواعد في منتهى الصرامة محدش يقدر يخالف منها بند واحد، حتى في أبسط شيء؛ تصاميم إعلانات السوشيال ميديا!".
وأضاف أن ".. الحكومة المصرية تستغفل المواطن وقولنا ربنا على القادر والمفتري، لكن الشركات كمان تستغفلنا؟ احنا بقينا ملطشه بقا ولا ايه! .. وأخيراً على رأي المثل إذا كان ربُّ البيت بالدفٍ ضاربٌ فشيمة أهل البيت الرقص! .. ارقص يا Dubai Phone stores .. .. ارقص يا حالا - Halan ..حد يشغّل لهم "شيك شاك شوك" لو سمحتوا ..
https://web.facebook.com/photo?fbid=7587881151266838&set=a.122219621166399
وأضاف إليه حساب Ahmed Ali أن شركة دبي ستورز ".. بيعملوا عروض وإعلانات على موبايلات مش عندهم اصلا وتكلم ال Call Center يقولك لا ده كلام قديم والاعلان لسه نازل مكملش ساعتين .. ولما تحطلهم كومنت بالكلام ده يمسحوه .. معندهمش اي احترافية ولا خبرة في التعامل للاسف".
وأضاف محمد السيد بغدادي Mohamed Sayed Boghdady، "بعيدا عن اللي بيدافع عن الشركه وبعيدا عن اللي موافق لرأيك مش كل الناس هتتقبل الفكره اللي بيسموها كريتف✌️ دي.... دا غش تجاري ونصب يحطك في الأمر الواقع اه اه لاء لاء هنزل من البيت أو اسيب الشغل او اعطل مصلحه واروح عشان يقولوا اصلا حضرتك غبي مفهمتش الاعلان بتاعنا كويس احنا قولنا اه 50% بس حضرتك مسألتش عن نيتنا نقصد ايه ههههههه هههههه. حاجه في منتهى السخافه وضيف على كدا كل شركات مصر بهذه الطريقه خلاص الموضوع عايز اقولك معاك حق في كل كلمة عالم نصايه وحراميه وحقهم يعملو اكتر من كدا طول ما فيش رقابه".
