يلف طلاب جامعة بني سويف بشكل عام وطلاب المدينة الجامعية للطالبات والطلاب حالة من الحزن والغضب على استشهاد زميلتهم الطالبة بإعداد هندسة بني سويف شهد ناجي أبو عيش محمد علي من محافظة الشرقية والتي لقيت مصرعها أثناء نشرها غسيلها بسبب تردي مناشر "البلكون" الخاص بغرفتها رقم 16 بالدور الثالث.
وما زاد غضب الطلاب والطالبات كان خلو المدينة من وحدة إسعاف سريع أو طبيب مناوب حيث يقيم المئات من الطلاب يدفعون نحو 1000 جنيه شهريا لحجز سرير بغرفة تضم 3 طلاب فضلا عن تخلي المشرفين عن التدخل لانقاذها انتظارا للأسعاف الذي تأخر كثيرا عن وصوله حتى لفظت الطالبة "شهد" أنفاسها الأخيرة أمام حشود الطلاب الذين أرادوا التدخل.
اهمال ولا مبالاة
وقال "عبدالرحمن": "شهد .. بنت ف سنة أولى كلية تموت بسبب اهمال ولا مبالاة .. وقعت من الدور التالت وهي بتنشر.. طاقم الامن يحجز عليها ومحدش يقربلها.. فضلت تنزف لحد ما ماتت.. مفيش اسعاف ومفيش مسعف.. مش سامحين لحد يساعد!!.. قد كده حياة الانسان رخيصة في المدينة الجامعية ف بني سويف".
وأضاف، "مدينه جامعيه مفيهاش اسعاف .. مفيهاش دكتور .. بيوزعوا علينا لبن فاسد وتونة منتهية الصلاحية .. بكلمكم عن المدينه الجامعيه بني سويف .. أغلى مدينة جامعيه في الجمهورية مفيهاش عربيه اسعاف ".
وعلى مواقع التواصل الاجتماعي دشن الطلاب هاشتاج #اهمال_مدنيه_بني_سويف_الجامعيه الذي احتل ترتيبا في تريند التغريدات الجمعة بعد مقتل طالبة إعدادي هندسة جامعة بني سويف متحدثين عن تحطم حلمها وحلم أهلها وأن مصيرها الذي انتظهرا كان بسبب الإهمال والاستهتار.
وقالت زميلة شهد في غرفتها ".. المس انهادره بتقولي اندهي للبنات ال ف أوضه ٣١٦ مستوعبتش ان دي اوضه شهد الا ما طلعت فجمدت قلبي وخبطت ملقتش اي حاجه ف الاوضه غير الكرسي الكانت واقفه عليه وسبت الغسيل ال كان فيه هدومها مش عارفه انا ازاي قدرت ادخل اصلا.. ربنا يكون ف عون أهلها يارب".
الطالب @ahmed7amoudi4 أشار إلى أن خطيب الجمعة في المدينة الجامعية بنين بني سويف استفاض في الدعاء لشهد الي اتوفت امبارح وقال وردني أنكم تريدون صلاة الغائب وأوضح أنه لا تجوز صلاة الغائب عليها وإنما هي لشخص توفي في بلد غريب ويُخشي ألا يُصلي عليه هناك..
وعبر الهاشتاج رصد المشاركون بدا أن أغلبهم طلاب بالمدينة سلبيات وإهمالا يصل إلى حد الجرائم فكتبت @ahdrabe3_، "تسمم جماعي من اكل غير ادمي، حرامية تنط من فوق السور ٤الفجر وتدخل غرف البنات وهم نايمين،منشر ملابس غير ادمي مدينة طلاب مفيهاش دكتور او عربية اسعاف صاحبتنا شهد اتوفت النهاردة قدام عنيكم وسبتوها تنزف محدش جري بيها على المستشفي.. عمرنا ما هننسي او نسامح".
واتفقت مريم رسلان @MariamR32253814، "هنتكلم عن التسممات الجماعية الل بتحصل كل سنة ولا والمصاريف الأغلى فى مصر ولا الميه ولا الأكل الل مانعين دخلوه ولو جايب أكل تاكل على باب المدينة بره متدخلش بيه ده الل فالحين فيه لكن تشوفو شغلكم وتنقذو وتحافظو على الأمانة لا.. حسبي الله ونعم الوكيل".
عايزين حق شهد
وطالب طلاب منهم إسراء @elsagyh بحق زميلتهم والتي كتبت "عايزين حق شهد ناجي .. عايزين ماحدش يتفرج علينا واحنا بنموت بسبب افتقار المدينة الجامعية لأبسط الأساسيات اللي الجامعة معتبراها هوامش زي وجود دكاترة ومسعفين!!!
ونشرت بعض زميلاتها مشهد جنازتها (فيديو) بالشرقية الجمعة بعد أداء الصلاة عليها..
