كان مثيرا لدهشة كثير من المصريين وتعجبهم، توزيع السيسي "كرتونة" هدية لزوار الساحل الشمالي (أصحاب السيارات) تضمنت سلعا رفاهية (نظارة وعوامة بحر وأنواع شيكولاتة و...) وسجل أغلبهم تناقض السيسي الذي خص طبقة زوار الساحل الشمالي بهداياه (التي حملت صورته وتاريخ 30-6) في حين حرم ملايين المصريين من دعم تمويني بظل حالة التضخم غير المسبوقة في مصر، ووصول نصيب الفرد المتمتع ببطاقة تموين إلى فقط زجاجة زيت!
وسبق للسيسي أن شارك في مبادرة بعنوان "كتف بكتف" نظمتها اتحاد الجمعيات الأهلية وذلك لتوزيع "كراتين" باستاد القاهرة على المعوزين والمحتاجين ولكن المبادرة كشفت عن فشلها عندما غابت فعليا عن الفقراء وأن الحضور كان لأخد لقطة مع السيسي في الاستاد وعادت بعض السيارات محملة بكراتين قدم بها المنتفعون من رجال أعمال مقربون من الانقلاب على غرار أبو هشيمة وأبو العينين وأحزاب وجمعيات تابعة لأجهزة السيسي الأمينة المخابرات وأمن الدولة..
حساب النـاظر @ub__58 قال تحت الهاشتاج (ابو_كرتونه) "
-انا مواطن مصرى وعندى حقوق ومن حقى اعرف
-انا مخدتش علبة ليه من كرتونة السيسى ولا هى بتتوزع بس على اهل الساحل الاغنياء
- طب حتي وزعوووووووووووا علينا دعاء المظلووووووم".
أما حساب سيس عنخ أمون @6666cv فكتب "و نحن على مقربة من إنتخابات رئاسية مزعومة،نجد جنود الفرعون السيسي يوزعون هدايا لمرتادي الساحل الشرير،بإسم مبادرة"كلنا واحد،من كرش صندوق تحيا مصر العسكري.. علبة فخمةتحتوي كوتشينة، شيبسي و كيت كات و نظارة بحر و عوامة،تتناسب مع أغنياء مصر،،لأنهم شعب و إحنا شعب،كما غنّى علي الجعّار".
وعلق حساب وليد محمد @waleedm71932078 ، "ياعم الفئه اللي بتروح الساحل وشرم تستاهل او لاء ف ناس مش لاقيه العيش الحاف مش توزع علبه محتوها مش اقل من ٢٠٠ علي ناس معاها ملايين".
وأضاف زيكو المصري @zikoelmasry1 ، "عرفت كلمة السر اللي معاه باكو بوريو تبعهم ويشيرلهم الفيديو لان اللي بيصور جوه العربية مش بره ويدوله علبة يحيا الساحل الشمالي".
وأشار أحمد فرعون @AhmedPharaoh9، "انا مواطن مصرى وعندى حقوق مصرية من حقى اعرف .. انا مخدتش علبة ليه من كرتونة السيسى ولا هى بتتوزع بس على اهل الساحل".
ووصف أسامة @usamakamelawad المشهد وكأنه فرح شعبي "الشاشه في بلدنا مليانه كهارب وترتر .. احلي حاجه الهدايا بتاعه الناس إللي رايحه الساحل بتصيف .. هديه من السيد (...)، وبيقول لكم كل سنه وإنتم طيبين .. " وساخرا علق "خساره مافيش واحده ريدبول و علبه مارلبورو احمر .".
العلبة دي فيها إيه
وعلى نسق علبة فيلم (طاقية الاخفاء) كتب أسامة جاويش @osgaweesh ، "العلبة دي فيها ايه وبكام.. انتشر فيديو لمجموعة من ضباط الشرطة بيوزعوا كراتين على المواطنين على أحد الطرق المصرية.. الكرتونة مكتوب عليها مبادرة " كلنا واحد" ٣٠/٦ وهي مبادرة رئاسية برعاية وزارة الداخلية لتوفير السلع بأسعار أقل.. ضابط الشرطة قال للسيدة انها هدية من الرئيس.. طيب يا ترى السيسي اللي معندوش فلوس للتعليم او الصحة بيوزع كراتين تكلفتها كام؟.. تعالوا نشوف العلبة دي فيها إيه وتكلفة الحاجات اللي جواها كام:
كيس شيبسي 5 جنيه
2 نظارة بحر 200 جنيه
بسكويت ديليسو مستورد 20 جنيه
كوتشينة 50 جنيه
عصير جهينه 5 جنيه
شكولاتة كيت كات 20 جنيه
شكولاتة إن آند إمز 50 جنيه
عوامة 200 جنيه
نوع آخر من البسكويت
الإجمالي حوالي 600 جنيه
وعلق جاويش "فيه مجموعة أسئلة مهمة : السيسي جاب الفلوس دي منين؟ هل مصدرها صندوق مصر السيادي ولا تحيا مصر ولا التحالف الوطني لدعم العمل الأهلي التنموي؟ هل الكراتين دي رشوة انتخابية؟ مين مستحقيها؟ هل مبادرة كلنا واحد بتقول انه ضباط الشرطة يوزعوا كراتين عالمواطنين في الطرق ولا يوفروا السلع باسعار اقل في منافذ بيع خاصة؟ ليه الحكومة انهت الدعم الاستثنائي ل ٣٥ مليون مواطن وبتوزع كراتين بالتكلفة دي على مواطنين تانيين؟".
