بعد طرح الذراع الإعلامي عمرو أديب اقتراحاً لبيع بعض أسهم النادي الأهلي في البورصة لبناء إستاد خاص به، تصدر تريند هاشتاج #الاهلي_مش_للبيع، في اعتراض من جمهور الأهلي على الخطة التي يلمح لها عمرو أديب.
 

وألمح الناشطون إلى أن قرار بيع النادي الأهلي وطرح أسهمه في البورصة وراءه جهة سيادية أو عبدالفتاح السيسي نفسه، وأن النية هي جس النبض لبيع النادي للرياض أو لأبوظبي، لاسيما وأن مدير الجهاز الفني للنادي الأهلي اللاعب السابق فيه السيد عبدالحفيظ اعتذر الخميس عن الظهور على شاشة (mbc مصر) وألغى اللقاء مع القناة التي تتبع الكفيل السعودي.
 

واشار الناشطون إلى أن تسلسل الاحداث بدأ بتسريب العرض القطرى لرعاية الأهلي وهو ما يعني أن شعار الخطوط الجوية القطرية على قميص الأهلي وجاء عن من طريق شركة الكره (المتحدة) التابعة للمخابرات، ثم استقالة شركة الكرة، ومن ثم التعاقد مع المتحدة للوساطة، وبمجرد تسريب اقتراب القطرية من رعاية الأهلى، وإعلان عمرو أديب أنه لا يقبل بالعرض انتهى العرض القطري، والآن مع تعيين شركة كره جديده برئاسة عدلي القيعى وعضوية عوض.
 

وقال عمرو اديب عبر (mbc مصر): "عايز أقول الأهلي لو نزل وطرح أسهم شركاته في البورصة كام واحد هيشتري، طبعًا هيقولوا عمرو أديب عايز يبيع النادي الأهلي، لا النادي الأهلي موجود والجزيرة موجودة والخطيب موجود وحسين الشحات موجود.. إنما في النهاية النادي عايز شوية فلوس يعمل استاد في مدينة نصر ومدينة 6 أكتوبر مش بقول اختراع دي وسيلة من وسائل التمويل الواضحة".
 

واستطرد: "المستثمر دايمًا يبص على البلد اللي هيستثمر فيها بترحب بالمستثمرين ولا لأ، إحنا لا نرحب بالمستثمرين كويس يا على المستوى الشعبي ننكد عليهم أو على المستوى الحكومي نعملهم بيروقراطية، أنا صديقي مستثمر عربي قالي أنا أكثر أرباح بعملها في مصر".
 

وقال محمود هاشم على "تويتر": "أطل علينا الثعبان الأقرع ( عمرو الغير أديب ) المتحدث الرسمى باسم الجهة السيادية التى تعمل ضد الأهلى بتصريح بالونة اختبار مثلما فعل في عقد رعاية الشركة القطرية والله الاهلى مش للبيع الأهلى محتاج جمهوره أكتر من أي وقت فات لازم نقف ورا نادينا وندافع عنه باستماتة".
 

وأضاف ميزو، "بعد تأكيدات من بعض الصحفيين القطريين قبل الصحفيين المصريين إن القطرية تسعى لرعاية النادى الأهلى بل وصل بعضهم للإعلان إن العقد تم فعلا.. فجأة الخطوط القطرية بقت خارج الصورة تماما.. فجأة برضه يخرج عمرو أديب بتصريح: أنا كمشجع مصرى مش بالع أشوف الأهلى بتيشرت القطرية.. مش غريبة شوية؟".

بالع فكرة
وفي تصريحه السابق عن الرعاية القطرية قال عمرو أديب: "أنا كعمرو المواطن المصري الزملكاوي مش بالع فكرة أن الأهلي يلبس التيشرت اللي عليه الخطوط الجوية القطرية.. الكلام الأيام اللي فاتت أن كان في مفاوضات أتلغت متلغتش هما حطوا فلوس زيادة حطوا فلوس أقل أنا مش بالع الحكاية دي.. أنا مش أهلاوي ومش بالع أشوف الأهلي حاطت الخطوط القطرية على صدره".
 

وتابع: "أنا شخصيا الموضوع بالنسبالي مش لطيف مش ظريف مش خفيف مش بالعه خالص خصوصا أنك في مصر عندك نقي يا باشا ده النادي الأهلي نقي الراعي بتاع التيشيرت بتاعك ده انت عندك شركات اتصالات وأكل وجبنة وعربيات مجاتش على الخطوط الجوية القطرية أنا بقول رأيي".
 

واستطرد: "ناس كتير بتقول ده بيزنس وأنت عارف أن القطريين حاطين فلوس ضعف أي راعي تاني طب والأهلي هيغلب يعني؟ ياعم ما تعلي المزاد.. وتسأل ايه سر اهتمام الخطوط القطرية أنها تبقى على تيشيرت النادي الأهلي وبقولها على لساني بقوة لأنه نادي الأغلبية المصرية".

الأهلي خط أحمر

وأجمع الناشطون على أن النادي الأهلي خط أحمر وأن مشجعوه بصدد التضحية بنفسهم إن تم المساس بإدارته أو تفتيته، وقال محمد حسين (Mohamed Huseein) على فيسبوك: "هاشتاج الأهلي مش للبيع يتصدر تويتر .. مش كفايه هاتبيعوا في البلد زي ماقال الخطيب الأهلي مش للبيع والأراجوز الأقرع تمهيد لكلام الكبار .. الأهلي خط أحمر .. الأهلي لمن صنعوه ومن صنعوه هم مشجعوه.. وجمهوره ده حماه".
وأضاف حساب (الأهلي المصري)، "معلومة مهمة عمرو أديب لما بيطلع وبيصرح بأي موضوع علي الاهلي بيحصل قبل يومين هاجم الخطوط القطرية لأنها كانت قريبة من رعاية الأهلي وفعلا الأمور توقفت النهاردة بيلمح ببيع النادي للمستثمرين عمرو أديب واثق إن في أشخاص كبار في الدولة عايزين يبيعو الأهلي للمستثمرين العرب وانتم عارفين مين هو عرضوا عليه الزمالك ورفض طالب الأهلي بالاسم لأنه عارف إن الأهلي اسم كبير ومكسب كتير  علي جماهير الأهلي يقفوا خلف الكيان الكابتن الخطيب مطلعش قال الأهلي ليس للبيع من فراغ أكيد كان عارف بالموضوع".
وجاءت مشاركة الحساب عبر هاشتاجات #الاهلي_مش_للبيع  و#احذرو_غضب_جماهير_الاهلي بشعار (‏احذرو غضب جماهير الأهلي احنا مش أغلى من ٧٤ شهيد).

ملايين الجماهير
ولفت أحمد الصعيدي إلى أن جماهير نادي القرن بالملايين وكتب، "دى رسالة لكل من تتسول له نفسه لبيع النادي الأهلي .. عشرات الملايين من جماهير الأهلي يرفضون بيع النادي الأهلي ولا حتي نادي الزمالك لأنهم أكبر الأندية في مصر و أفريقيا.... الأهلي و الزمالك مهما كان بينهم مشحنات و تحفيلات و خلفات لاكن في النهاية هم قطبي الكورة في مصر و أفريقيا وبدون هذا الناديين تنتهي الكورة في مصر .. الأهلي مش للبيع نقول تاني(الأهلي )مش للبيع يا عمرو".
وأضاف تامر زيدان (Tamer F Zedan)، "انتبهوا ياشعب الاهلي :- هذا الثعبان الاقرع اللي بوقه بيطلع سم بعد تمهيده انه مش طايق يشوف الخطوط القطرية على تيشرت النادي الأهلي وباظت الرعايه للنادي طالع دلوقتي بيمهد لطرح النادي الأهلي كاسهم للبيع في البورصه ياتري الكلام دا طالع من هنا ولا من ترك اللي هو شغال عنده دلوقتي ربنا يثبتك يابيبو علي كلمتك إن النادي الأهلي مش للبيع وإن النادي ملك لجمهايره واعضاؤه".