الفيوم:

اشتكى أهالي قرية سنرو القبلية التابعة لمركز أبشواي بمحافظة الفيوم من انفجار مواسير المياه والصرف الصحي وانتشار القمامة بشكل مبالغ فيه دون أدنى إهتمام من المسئولين.

قال "عادل محمد " من أهالي القرية ، كل يوم المواسير تنفجر والشوارع تتغرق ونبلغ المجلس المحلي ولا حد بيسأل فينا خالص، يعني لو ربنا كرمنا ومغرقناش من المطر نغرق بالصرف ، ده غير الزبالة اللي ماليه الشوارع وبندفع اشتراك شهري علشان تتشال ومع ذلك منتشرة بشكل كبير كل اللي بيعملوه يشيلوا كام كيس ويسيبوا الباقي.

وأضاف سلامة عبد الله ، المشكلة مبقتش في الصرف الصحي بس ده كمان الناس بترمي في برك الميه دي زبالة وده بيسبب روائح كريهة وحشرات وده بالتأكيد بيسبب أمراض لينا ولأولادنا ، وكل ما نتصل بالمجلس يقولونا هانحل المشكلة ومش بيحلوا حاجة حرام عليهم اللي بيعملوه فينا ده.

كما قال محمد نوح مستاءًا ، حياتنا بقى مالهاش أي قيمة عند المسئولين خالص أهم حاجة إنهم مرتاحين ومش مهم باقي الناس عايشة إزاي ، لينا ربنا بقى .